ءدال 79 جىل بۇرىن ءدال وسى كۇنى راقىمجان قوشقارباەۆ پەن گريگوري بۋلاتوۆ رەيحستاگقا تۋ تىكتى، دەپ حابارلايدى "ادىرنا" ۇلتتىق پورتالى.
رەسەيدىڭ اسكەري تاريح ينستيتۋتى 1-ءى بەلارۋس مايدانىنداعى 150-ءى اتقىشتار ديۆيزياسىنىڭ لەيتەنانتى راقىمجان قوشقارباەۆتىڭ 1945 جىلدىڭ 30 ساۋىرىندە رەيحستاگقا تۋ تىككەنى تۋرالى تاريحي وقيعا بىرنەشە جىل بويى راستالماعان. تەك 2007 جىلدىڭ 7 مامىرىندا رەيحستاگقا تۋ تىككەن قازاق باتىرى ەكەنى رەسمي تۇردە راستالدى. بۇل ەكىنشى دۇنيەجۇزىلىك سوعىستا گەرمانيا پارلامەنتى رەيحستاگقا تۋ تىگۋ فاشيستىك گيتلەرلىك نەمىس ۇكىمەتىنىڭ تىزە بۇگۋىن الەمگە پاش ەتكەن وقيعا بولدى.
ايگىلى باتىر راقىمجان قوشقارباەۆ اقمولا وبلىسىنىڭ تسەلينوگراد اۋدانىندا تۋعان. ول 1942 جىلى اسكەرگە الىنعان. دەرەكتەرگە قاراعاندا، 1944 جىلى قازان ايىنان باستاپ 1-بەلارۋس مايدانىنداعى يدريتسك اتقىشتار ديۆيزياسى قۇرامىندا 150-ءشى ۆزۆود باسقارىپ، پولشا جانە گەرمانيا جەرلەرىندەگى ۇرىستارعا قاتىسىپ، كوزگە تۇسكەن.
1945 جىلى 30 ساۋىردە لەيتەنانت راقىمجان قوشقارباەۆ جاۋىنگەر گريگوري بۋلاتوۆ ەكەۋى سوۆەت اسكەرى اراسىنان بەرليندەگى رەيحستاگقا ءبىرىنشى بولىپ جەڭىس تۋىن تىكتى.
قازاق باتىرىنىڭ ەرلىگىن العاش بولىپ الەمگە ايگىلەپ جازعان مەملەكەت قايراتكەرى، جازۋشى كاكىمجان قازىباەۆ بولعان.
