بيىل ەلىمىزدە قانت تاپشىلىعى بولمايدى. بۇل تۋرالى بۇگىن اۋىل شارۋاشىلىعى ءمينيسترى ايداربەك ساپاروۆ ۇكىمەت وتىرىسىنان كەيىن وتكەن ءباسپاسوز ءماسليحاتىندا ايتتى، دەپ حابارلايدى «ادىرنا» ءتىلشىسى.
ول قازاقستانعا جىلىنا 550 مىڭ توننا قانت قاجەتتىگىن مالىمدەدى.
«بۇگىندە بىزدە 90 مىڭ توننا قانت بار. سونداي-اق ءبىزدىڭ الاتىن 120 مىڭ توننالىق كۆوتامىز بار. ودان بولەك، ەل اۋماعىنا باجسىز كىرگىزىلەتىن قانت كولەمى – 300 مىڭ توننا. سوندىقتان قانت جەتەدى دەپ ايتۋعا بولادى. مەن جۋىردا قوسىمشا 80 مىڭ توننا جەتكىزۋ تۋرالى رەسەيدىڭ اۋىل شارۋاشىلىعى مينيسترىمەن سويلەستىم. كىم بىلەدى، ەرتەڭ جاعداي كۇرت وزگەرىپ كەتۋى مۇمكىن. سوندىقتان بارىنە دايىن بولۋىمىز كەرەك. قانت جاعى 100 پايىز قامتىلادى دەپ ويلايمىن»، - دەدى مينيستر.
