الماتى وبلىسىندا جول اپاتىنان ءۇش ادام قازا تاپتى، - دەپ حابارلايدى "ادىرنا" ۇلتتىق پورتالى.
قايعىلى وقيعا 8 مامىردا الماتى-كوكپەك-كوكتال تاس جولىنىڭ 41-ءشى شاقىرىمىندا بولعان.
«Mitsubishi Lancer جۇرگىزۋشىسى ءرۋلدى باسقارا الماي، قارسى كەلە جاتقان Nissan Cefiro كولىگىنە سوقتىعىسىپ، سالدارىنان جولدىڭ بويىنداعى Mitsubishi Pajero Sport جانە BMW X5 كولىكتەرىن دە زاقىمداعان»، - دەدى الماتى وبلىسىنىڭ جول پوليتسياسى باسقارماسىنىڭ باستىعى باۋىرجان الەنوۆ.
وقيعا سالدارىنان Nissan Cefiro جۇرگىزۋشىسى، Mitsubishi Lancer جۇرگىزۋشىسى مەن ونىڭ جولاۋشىسى وقيعا ورنىندا كوز جۇمدى.
«جول-كولىك وقيعاسى بويىنشا قىلمىستىق ءىس قوزعالىپ، قاجەتتى ساراپتامالار تاعايىندالدى. وبلىستىق پوليتسيا بارلىق جۇرگىزۋشىلەردى رۇقسات ەتىلگەن جىلدامدىقتى، جول قاۋىپسىزدىگى تالاپتارىن قاتاڭ ساقتاۋعا جانە قازاقستان رەسپۋبليكاسىنىڭ جول قوزعالىسى ەرەجەلەرىن بۇزباۋعا شاقىرادى»، - دەپ قوستى پولكوۆنيك الەنوۆ.
پوسموترەت ەتۋ پۋبليكاتسيۋ ۆ Instagram