ۆلاديمير پۋتين تاعى دا انت بەرىپ، رەسمي تۇردە رەسەي فەدەراتسياسىنىڭ پرەزيدەنتى قىزمەتىنە كىرىستى، دەپ حابارلايدى "ادىرنا" ۇلتتىق پورتالى.
رەسەيدە سوڭعى كونستيتۋتسيالىق وزگەرتۋلەردەن سوڭ پرەزيدەنتتىڭ بۇرىنعى وكىلدىكتەرى نولدەستىرىلىپ، ول جاڭادان التى جىلدىق مەرزىمگە سايلانعان بولاتىن.
رەسەيدىڭ باق مالىمەتى بويىنشا جاڭا مەرزىمنىڭ باسىندا پۋتين ۇكىمەتتى جاڭارتادى دەپ كۇتىلۋدە. ويتكەنى رەسەي فەدەراتسياسىنىڭ كونستيتۋتسياسىنا سايكەس مينيسترلەر كابينەتى پرەزيدەنت يناۋگۋراتسياسىنان كەيىن وتستاۆكاعا كەتەدى.
ۆلاديمير پۋتين رەسەي فەدەراتسياسىنىڭ پرەزيدەنتى قىزمەتىنە رەسمي تۇردە بەسىنشى رەت كىرىسكەن. سوڭعى رەت 2018 جىلعى 7 مامىردا ماسكەۋ كرەملىندە رەسەي پرەزيدەنتى ءپۋتيننىڭ ۇلىقتاۋ ءراسىمى وتكەن بولاتىن.
بۇل - ءپۋتينىڭ ۋكرايناعا سوعىس باستاعاننان كەيىنگى العاشقى سايلاۋى.
