رەسەي پرەزيدەنتىنىڭ كومەكشىسى يۋري ۋشاكوۆ ماسكەۋدەگى شەرۋگە قاي پرەزيدەنتتەردىڭ باراتىنىن مالىمدەدى، دەپ حابارلايدى "ادىرنا" ۇلتتىق پورتالى.
9 مامىردا وتەتىن ماسكەۋدەگى شاراعا ورتالىق ازياداعى 3 ەلدىڭ پرەزيدەنتى بارادى.
جەڭىس شەرۋىنە قازاقستان، قىرعىزستان، بەلارۋس، كۋبا، گۆينەيا-بيساۋ جانە باسقا دا ەلدەردىڭ پرەزيدەنتتەرى قاتىسادى. ودان بولەك، شاراعا ۇقشۇ، تمد، ەاەو، شىۇ اتقارۋشى ورگاندارىنىڭ باسشىلارى، اسكەري اتتاشەلەرى مەن ديپلوماتيالىق وكىلدىكتەردىڭ باسشىلارى شاقىرىلعان.
"9 مامىردا ۇلى وتان سوعىسىنداعى جەڭىستىڭ 79 جىلدىعىنا ارنالعان اسكەري پارادقا قازاقستان، بەلارۋس، قىرعىزستان، تاجىكستان، تۇركىمەنستان باسشىلارى جانە باسقا دا شەتەلدىك جەتەكشىلەر توبە كورسەتەدى. پارادقا كۋبا پرەزيدەنتى ميگەل دياس، كانەل بەرمۋدەز، لاوس پرەزيدەنتى تونگلۋن سيسۋليت جانە گۆينەيا-بيساۋ رەسپۋبليكاسىنىڭ پرەزيدەنتى سيسوكۋ ەمبالو شاقىرىلدى", –دەدى يۋري ۋشاكوۆ.
شارادان كەيىن ەل باسشىلارى الەكساندر باعىنداعى "بەلگىسىز سولدات" باسىنا بارىپ گۇل شوقتارىن قويۋ راسىمىنە قاتىسادى. سودان كەيىن كرەملدە ۆلاديمير ءپۋتيننىڭ اتىنان دەلەگاتسيا باسشىلارىنا ارنالعان قابىلداۋ وتەدى.
قازاقستاننىڭ رەسەيدەگى ەلشىسى داۋرەن اباەۆ تاسس اگەنتتىگىنە بەرگەن سۇحباتىندا پرەزيدەنت قاسىم-جومارت توقاەۆتىڭ 8-9 مامىردا ماسكەۋگە ساپارىن جوسپارلاپ وتىرعانىن حابارلاعان ەدى.
ايتا كەتەيىك، وتكەن جىلى مەملەكەت باسشىسى قاسىم-جومارت توقاەۆ ماسكەۋدەگى قىزىل الاڭدا وتكەن اسكەري پارادقا قاتىسقان بولاتىن.
