امەريكالىق Forbes جۋرنالى الەمدەگى ەڭ باي ادامداردىڭ رەيتينگىن جاريالادى. تىزىمگە التى قازاقستاندىق كىردى، دەپ حابارلايدى “ادىرنا” ۇلتتىق پورتالى.
ءتىزىم بويىنشا، 511-ورىندا Kaspi.kz اكتسيونەرى جانە ديرەكتورلار كەڭەسىنىڭ توراعاسى – ۆياچەسلاۆ كيم تۇر. ونىڭ اكتيۆتەرى 5,8 ملرد دوللارعا باعالانعان.
ودان كەيىن 612-ورىن تيمۋر مەن دينارا قۇلىباەۆتارعا تيەسىلى. ولاردىڭ ارقايسىسىنىڭ بايلىعى 5 ملرد دوللاردى قۇرايدى.
ال 896-ورىن بۇعان دەيىن ەلدەگى ەڭ اۋقاتتى ادام سانالىپ كەلگەن ۆلاديمير كيمگە بۇيىرعان. كاسىپكەر «قازاقمىس كورپوراتسياسى» جشس-ءنىڭ نەگىزگى يەسى.
Forbes دەرەگىنشە ونىڭ بايلىعى 3,6 ملرد دوللاردى قۇرايدى.
ەڭ باقۋاتتى قازاقستاندىقتاردىڭ قاتارىندا 36 جاستاعى تيمۋر تۋرلوۆ بار. Forbes جۋرنالىنىڭ ناقتى ۋاقىت رەجيمىندەگى ميللياردەرلەر رەيتينگىندە ول 3,3 ملرد دوللار بايلىعىمەن 991-ورىندا تۇر. بيزنەسمەن Freedom Holding Corp ينۆەستيتسيالىق توبىنىڭ نەگىزىن قالاۋشى جانە نەگىزگى يەسى.
ەڭ باي قازاقستاندىقتار ءتىزىمىن 1238-ورىندا تۇرعان بولات وتەمۇراتوۆ قورىتىندىلادى. جۋرنال ونىڭ بايلىعىن 2,7 ملرد دوللارعا باعالادى. ول «ForteBank» اق 89,32% اكتسياسىنا يە. بۇدان باسقا قوناقۇيلەر جەلىسى، فاست-فۋد جەلىسى سىندى اكتيۆتەرى بار.
قازاقستانداعى توپ-10 باي ادام:
1. ۆياچەسلاۆ كيم 5,8 ميلليارد دوللار;
2. تيمۋر قۇلىباەۆ $5 ملرد;
3. دينارا قۇلىباەۆا $5 ملرد;
4. ۆلاديمير كيم 3,6 ميلليارد دوللار;
5. تيمۋر تۋرلوۆ 3,3 ميلليارد دوللار;
6. بولات وتەمۇراتوۆ $2,7 ملرد;
7. يبراگيموۆتار وتباسى $1,5 ملرد;
8. نۇرلان سماعۇلوۆ 980 ميلليون دوللار;
9. سارسەنوۆتەر وتباسى 970 ميلليون دوللار;
10. ارسەن تومسكي 920 ميلليون دوللار (جاڭادان كەلگەن، InDriver نەگىزىن قالاۋشى).
