بيىل باتىس قازاقستان وبلىسىنىڭ دەنساۋلىق ساقتاۋ جۇيەسىن قارجىلاندىرۋعا جەرگىلىكتى بيۋدجەتتەن 94 ملرد. تەڭگە ءبولىندى. ونىڭ ىشىندە 82,1 ميللياردى الەۋمەتتىك مەديتسينالىق ساقتاندىرۋ قورى (امسق) ارقىلى بەرىلسە، 11,9 ملرد. تەڭگەسى دسب ارقىلى بولىنگەن.
وبلىستا تەگىن مەديتسينالىق كومەكتىڭ كەپىلدەندىرىلگەن كولەمى (تمككك) جانە مىندەتتى الەۋمەتتىك مەديتسينالىق ساقتاندىرۋ ء(مامس) شەڭبەرىندە 56 مەديتسينالىق قىزمەت كورسەتۋشى ۇيىم بار ونىڭ ىشىندە 37-ءسى مەملەكەتتىك بولسا، 19-ى جەكە مەديتسينالىق ۇيىم. بيىل وبلىس 3,1 ملرد. تەڭگەگە 26 مەديتسينالىق جابدىق ساتىپ الۋ جوسپارلاپ وتىر. سونىمەن قاتار وبلىستاعى مەديتسينالىق ۇيىمدار ءۇشىن «كپو ب.ۆ» كومپانياسىنىڭ قاراجاتى ەسەبىنەن جالپى سوماسى 25,3 ملرد. تەڭگەگە 1273 مەديتسينالىق جابدىق ساتىپ الىنباقشى.
ايتا كەتەيىك بىلتىر دەنساۋلىق ساقتاۋ باسقارماسى حالىقتى ۋاقىتىلى ءارى ساپالى مەديتسينالىق قىزمەتپەن قامتاماسىز ەتۋ ءۇشىن 630 جاڭا زامانعى مەديتسينالىق جابدىق جانە 81 بىرلىك اۆتوكولىك ساتىپ الدى. دەسە دە وبلىستا ءالى كۇنگە دەيىن ەسكى ەمدەۋ مەكەمەلەرى بار. ولاردى قازىرگى زامانعا ساي ەتۋ ماقساتىندا بيىل 11 مەديتسينالىق نىسان كۇردەلى جوندەۋگە جابىلادى. ولاردىڭ 2-ءۋى وبلىس ورتالىعىندا بولسا، تورتەۋى بوكەي ورداسى، تاعى بەسەۋى جاڭاقالا اۋدانىندا.
جالپى سوڭعى جىلدارى وبلىستاعى ەمدەۋ مەكەمەلەرى الدەقايدا جاڭارىپ قالدى. بىلتىردىڭ وزىندە 22 دەنساۋلىق ساقتاۋ نىسانىنا كۇردەلى جوندەۋ جۇرگىزىلدى. ونىڭ التاۋى «اۋىل-ەل بەسىگى» جوباسى اياسىندا جوندەلسە، تاسقالا اۋداندىق اۋرۋحاناسىنىڭ قاراجاتى ەسەبىنەن اينابۇلاق اۋىلىنا جاڭا مەديتسينالىق پۋنكت عيماراتى ساتىپ الىندى.
«اۋىلدا دەنساۋلىق ساقتاۋدى جاڭعىرتۋ» ۇلتتىق پيلوتتىق جوباسى شەڭبەرىندە بيىل 40 مەديتسينالىق نىساننىڭ قۇرىلىسى باستالماق. ونىڭ 38 العاشقى مەديتسينالىق-سانيتارلىق كومەك كورسەتۋ نىساندارى بولسا، كازتالوۆ جانە ءبورلى اۋداندارىندا ەكى اۋدانارالىق اۋرۋحانا قۇرىلىسى جۇزەگە اسىرىلادى.
بىلتىر وبلىستا 12 مەديتسينالىق نىسان پايدالانۋعا بەرىلدى. ونىڭ سەگىزى فاپ بولسا، تورتەۋى دارىگەرلىك امبۋلاتوريا. وتكەن جىلى جاڭا مەدنىسانعا يە بولعان اۋىلدارعا كەلەتىن بولساق العاشقىسى بوكەي ورداسى اۋدانى مۇراتساي اۋىلى. ودان بولەك، بايتەرەك اۋدانى نوۆەنكي، جاڭاقالا اۋدانى قىزىلوبا، جانىبەك اۋدانىنىڭ جاقسىباي، قامىستى اۋىلدارى. سونىمەن قاتار كازتالوۆ اۋدانىنىڭ قاراوزەن، سىرىم اۋدانىنىڭ ولەڭتى، تەرەكتى اۋدانىنىڭ بارباستاۋ، ءبورلى اۋدانىنىڭ ارالتال، بايتەرەك اۋدانىنىڭ اسان، كازتالوۆ اۋدانىنىڭ بوستاندىق، تەرەكتى اۋدانىنىڭ ءسارىومىر اۋىلدارىندا جاڭا ەمدەۋ مەكەمەسى اشىلدى.
مەديتسينالىق-سانيتارلىق العاشقى كومەك وبەكتىلەرىنىڭ «قادامدىق قولجەتىمدىلىگى» جوباسى شەڭبەرىندە جالپى تاجىريبە دارىگەرلەرىنىڭ 418 ۋچاسكەسى جۇمىس ىستەيدى.
