شىعىس قازاقستاندا قاسقىرلار جەكە ۇيلەرگە شابۋىلداپ جاتىر، دەپ حابارلايدى "ادىرنا" ءتىلشىسى.
وقيعا التاي اۋدانىنا قاراستى بىكوۆو اۋىلىندا بولعان. جەرگىلىكتى اكىمدىك بۇل جاعدايدىڭ 28 ساۋىردە بولعانىن ايتادى. ءتۇز تاعىسى ەسىگى اشىق تۇرعان ۇيگە شابۋىل جاساعان.
ء"ۇي يەسى ونى قۋىپ شىعۋعا ارەكەتتەنگەن. الايدا قاسقىر ءۇي اۋماعىندا جۇمىس ىستەپ جۇرگەن ادامدى تىستەپ، كەيىنىرەك اۋىل تۇرعىندارىنىڭ ەكى ءيتىن ءولتىرىپ، قاشىپ كەتكەن. بىكوۆو اۋىلىنىڭ تۇرعىندارى ءوز بەتىنشە جينالىپ، قاسقىردىڭ ىزىنە ءتۇسىپ، كوزىن جويدى", - دەيدى التاي اۋدانىنىڭ اكىمدىگى.
قازىر مەكتەپكە شالعايدان كەلەتىن 10 وقۋشى قاسقىردان تونگەن قاۋىپكە بايلانىستى قاشىقتان وقۋ فورماتىنا كوشكەن. ال قالعان بالالار مەكتەپ قابىرعاسىندا وقىپ جاتقانى انىقتالدى.
