الماتى قالاسىنىڭ مەملەكەتتىك قۋىرشاق تەاترىندا نيكولاي گوگولدىڭ ايگىلى «شينەل» پوۆەسىءنىڭ جەلىسىمەن «شەكپەن» قويىلىمىنىڭتۇساۋكەسەرى ءوتتى. اتالمىش ءىس-شارا كورەرمەندەردى دە، تەاتر سىنشىلارىن دا بەيجاي قالدىرمادى.
«شەكپەن» قويىلىمى قۋىرشاق تەاترى شىعارماشىلىعىنا جاڭا سەرپىلىس بەرىپ، تەاتر رەپەرتۋارىندا وزىندىك ەرەكشە ورنىنقالىپتاستىردى. گرۋزيا ەلىنەن ارنايى شاقىرىلعان بىلىكتى ءارى بەلگىلى رەجيسسەر نيكولوز ءساباشۆيليدىڭ جەتەكشىلىگىمەن ساحنالانعان بۇل تۋىندى وزىندىك وزگەشە اتموسفەراسىمەن، ستيلىمەن، تەرەڭ فيلوسوفيالىق ويلارىمەن كورەرمەندەردى تاڭداندىردى.
قۋىرشاق تەاترىنىڭ ارتيستەرى دە سپەكتاكل بارىسىندا ايانباي ەڭبەكتەنىپ، قۋىرشاقتاردى جانە زاتتاردى ورىندى ويناتىپ، كوماندالىق رۋحتى سەزدىرەتىن ۇيلەسىمدى انسامبل كورسەتە ءبىلدى. باستى ءرولدى ورىنداعان دارىندى ارتيست شوحان قۇلنازاروۆ باستى كەيىپكەردىڭ بەينەسىن جان-جاقتى ءارى ايقىن اشىپ، زور قوشەمەتكە يە بولدى.
نيكولوز ساباشۆيلي اتالمىش قويىلىمنىڭ پايدا بولۋى تۋراسىندا كەلەسىدەي ويلارىن ايتىپ ءوتتى: «بۇنىڭ ءبارى شىعارماشىلىق پىكىرل الماسۋ مەن جاڭا يدەيالاردى تالقىلاۋ ناتيجەسىندە قالىپتاسقان دوستىقتان باستالدى دەپ ايتا الامىن. مەن بۇل قالادا ءبىرىنشى رەت ەمەسپىن، اسەم الماتى قالاسىنا بۇل مەنىڭ ءۇشىنشى رەت ساپار شەگۋىم. وتكەن جىلى مەن حالىقارالىق «ورتەكە»قۋىرشاق تەاترى فەستيۆالى كەزىندە الماتى مەملەكەتتىك قۋىرشاق تەاترى ديرەكتورىمەن تانىسقان بولاتىنمىن. سودان كەيىن ءبىز بىرلەسكەن جوبالاردى جۇزەگە اسىرۋ مۇمكىندىگىن تالقىلاپ، ارتىنان گرۋزيا قۋىرشاق تەاترلارى بىرلەستىگى مەن مەملەكەتتىك قۋىرشاق تەاترى اراسىنداعى ءوزارا ىنتىماقتاستىق مەموراندۋمىنا قول قويدىق. مىنە، سودان بەرى ءبىر جىل وتە مەن تاعى دا الماتى قالاسىندا تۇرمىن. قۋىرشاق تەاترىنىڭ ۇجىمى مەنى وتە جىلى قابىلدادى، ال ءوزىڭىزدى جايلى سەزىنگەن جەردە جۇمىس ىستەۋ دە وڭايىراق جانە قىزىقتى بولادى. مەن وسى تەاتردا سپەكتاكل قويۋعا كەلىسكەنىمدى دۇرىس شەشىم دەپ ەسەپتەيمىن...».
«شينەل» – بۇل تەك كوتەرىڭكى كوڭىل كۇي سىيلايتىن قويىلىم ەمەس، سونىمەن قاتار، بۇل ەڭ تالاپشىل كورەرمەندەردى دە قاناعاتتاندىرا الاتىن ينتەللەكتۋالدى تۋىندى.
