بۇگىن، 21 ءساۋىر - مۇحتار اۋەزوۆتىڭ «اباي جولى» ديلوگياسى ءۇشىن لەنين سىيلىعىن العان كۇنى، دەپ جازادى “ادىرنا” پورتالى.
وسىدان 65 جىل بۇرىن 1959 جىلى اۋەزوۆكە «اباي جولى» ديلوگياسى ءۇشىن لەنين سىيلىعى تاعايىندالعان بولاتىن. ول V شاقىرىلعان كسر قازاق جوعارعى كەڭەسىنىڭ دەپۋتاتى بولىپ سايلاندى.
1951-1954 جىلدارى مۇحتار اۋەزوۆ ساياسي-يدەولوگيالىق تۇرعىدان قىسپاققا الىنىپ، 1953 جىلى ءساۋىر ايىندا ماسكەۋگە جاسىرىن اتتانىپ كەتۋگە ءماجبۇر بولدى. ماسكەۋ مەملەكەتتىك ۋنيۆەرسيتەتىندە پروفەسسور بولىپ ورنالاسىپ، «كسرو حالىقتارى ادەبيەتىنىڭ تاريحى» دەگەن ارنايى كۋرس بويىنشا ءدارىس بەردى. 1954 جىلى الماتىعا قايتىپ ورالىپ، «اباي جولى» رومان-ەپوپەياسىن تولىق اياقتادى.
العاشقى ەكى كىتاپتان تۇراتىن «اباي» رومانى ءۇشىن جازۋشىعا كسرو مەملەكەتتىك سىيلىعى 1949 جىلى بەرىلدى. ءتورت تومدىق «اباي جولى» رومان-ەپوپەياسى جارىق كورگەننەن كەيىن 1959 جىلى لەنين سىيلىعىنىڭ لاۋرەاتى اتاندى.
بۇعان دەيىن “ادىرنا” ۇلتتىق پورتالىندا «اباي جولى» رومان ەپوپەياسىنىڭ العاش جارىق كورىپ، كەيىن تسەنزۋراعا ۇشىراعان نۇسقاسى جايلى مارفۋعا شاپيانمەن سۇحبات جاريالانعان بولاتىن. اڭگىمە بارىسىندا كىتاپتىڭ شىعارۋشىسى يدەيانىڭ قالاي جۇزەگە اسقانىن جانە مۇنداي نۇسقا 26 جىل بۇرىن ءبىر رەت جارىق كورگەنىن ايتادى.
