قازاقستاندا جالعان اقپارات تاراتقاندارعا ارنايى قىلمىستىق نورما مەن اكىمشىلىك جاۋاپكەرشىلىك قاراستىرىلعان، دەپ حابارلايدى “ادىرنا” پورتالى. بۇل تۋرالى Tengri Life-قا نادەجدا گەلدت ايتىپ بەردى.
فەيك اقپارات (جالعان) – ازاماتتاردىڭ نەمەسە ۇيىمداردىڭ قۇقىقتارى مەن زاڭدى مۇددەسىنە، سونداي-اق قوعامنىڭ نەمەسە مەملەكەتتىڭ زاڭمەن قورعالاتىن مۇددەسىنە ەلەۋلى زيان كەلتىرەتىن، قوعامدىق ءتارتىپتى بۇزۋ قاۋپىن تۋدىراتىن كورىنەۋ جالعان اقپارات.
"قر قىلمىستىق كودەكسىنىڭ 274-بابىنا سايكەس كورىنەۋ جالعان اقپارات تاراتۋ 1000 اەك-كە (3,6 ميلليون – ەسك.) دەيىنگى مولشەردە ايىپپۇل سالۋدى قاراستىرادى نەمەسە 400 ساعاتقا دەيىن قوعامدىق جۇمىستارعا تارتۋ نەمەسە 1 جىلعا دەيىن باس بوستاندىعىنان ايىرۋ", – دەپ ءبولىستى زاڭگەر.
ەگەر فەيك بۇقارالىق اقپارات قۇرالدارى، تەلەكوممۋنيكاتسيا جەلىلەرى جانە ونلاين پلاتفورمالار، ياعني الەۋمەتتىك جەلىلەردى پايدالانا وتىرىپ تارالسا، وندا جازا مىنانى كوزدەيدى:
- 3 000 اەك-كە دەيىن ايىپپۇل (11 ميلليون تەڭگەگە دەيىن – رەد. ەسك.);
- سونداي-اق، 3 جىلعا دەيىن باس بوستاندىعىنان ايىرۋ نەمەسە شەكتەۋ.
مامان توتەنشە جاعداي كەزىندە، ۇرىس جاعدايىندا، سوعىس ۋاقىتىندا نەمەسە بۇقارالىق ءىس-شارالار كەزىندە جالعان اقپارات تاراتقانى ءۇشىن 3 جىلدان 7 جىلعا دەيىن باس بوستاندىعىنان ايىرىلۋى مۇمكىن ەكەنىن ەسكەرتەدى.
ايىپپۇل كولەمى قر زاڭناماسىنا سايكەس قابىلدانعان:
"سوت ءىستىڭ بارلىق ءمان-جايىن ەسكەرە وتىرىپ، قازاقستان رەسپۋبليكاسى قىلمىستىق كودەكسىنىڭ 274-بابىنا سايكەس جازا تاعايىندالادى، بۇل نە ايىپپۇل، نە تۇزەۋ، نە قوعامدىق جۇمىستار، نە شەكتەۋ نەمەسە باس بوستاندىعىنان ايىرۋ جازاسى بولۋى مۇمكىن.
سونداي-اق، بۇقارالىق اقپارات قۇرالدارىندا، اقپارات يەسىنىڭ ينتەرنەت-رەسۋرسىندا، اشىق دەرەكتەر ينتەرنەت-پورتالىندا نەمەسە قازاقستان رەسپۋبليكاسىنىڭ زاڭناماسىندا كوزدەلگەن وزگە دە تاسىلدەرمەن جالعان مالىمەتتەردى ورنالاستىرعانى جانە تاراتقانى ءۇشىن اكىمشىلىك جاۋاپكەرشىلىك كوزدەلگەن", - دەيدى "پراۆو زنات" تەلەگرام-ارناسى اۆتورى.