مەملەكەت باسشىسىنىڭ تاپسىرماسى بويىنشا سۋ رەسۋرستارى جانە يرريگاتسيا مينيسترلىگى 2030 جىلعا دەيىن سۋ شارۋاشىلىعى قۇرىلىستارىن قالپىنا كەلتىرۋدىڭ كەشەندى جوسپارىن ازىرلەدى، دەپ حابارلايدى “ادىرنا” ۇلتتىق پورتالى.
جوسپاردا 57 جاڭا سۋ قويماسىن سالۋ، 133 گيدروتەحنيكالىق قۇرىلىستى، 7 مىڭ شاقىرىمنان استام يرريگاتسيالىق جۇيەنى جانە 1200 شاقىرىم توپتىق سۋ قۇبىرىن قايتا جاڭارتۋدى، سونداي-اق 3628 تىك درەناجدى ۇڭعىما بۇرعىلاۋ قاراستىرىلعان.
بۇگىنگى تاڭدا 114 جوبا بويىنشا جوبالىق-سمەتالىق قۇجاتتاما ازىرلەندى.
سۋارۋ جۇيەلەرىنىڭ توزۋى سالدارىنان تاسىمالداۋ كەزىندە سۋدىڭ شىعىنى ماسەلەسىن شەشۋ ءۇشىن 14 مىڭ شاقىرىمنان استام كانالدى رەكونسترۋكتسيالاۋ جوسپارلانۋدا.
جوبانى 3 كەزەڭدە ىسكە اسىرۋ ۇسىنىلىپ وتىر. 1-ءشى كەزەڭدە - 2024-2025 جىلدارى ۇزىندىعى 3500 شاقىرىم 337 ارنانى قايتا جاڭارتۋ جوسپارلانۋدا.
