جەتىسۋ اۋدانىندا قالا بويىنشا جۇرگىزىلىپ جاتقان «الماتى – ءبىزدىڭ ورتاق ءۇيىمىز» ناۋقانى اياسىندا جەكە كاسىپكەرلىك وبەكتىلەرىنىڭ ىرگەلەس اۋماقتارىن تازالاۋ جۇمىستارى جۇرگىزىلدى.
ءىس-شاراعا ءتۇرلى كاسىپورىندار، زاۋىتتار، ساۋدا ورتالىقتارى، اتاپ ايتقاندا «اسفالتوبەتون 1» جشس، «كەلەت» اق، «Zeta» جشس، «تەمىربەتون 1» جشس، «كارينا Paper» جشس، «Maxima»، «مەرەي»، «Abdi» ساۋدا ورتالىقتارى مەن كەشەندەرىنىڭ، بازارلاردىڭ وكىلدەرى قاتىستى اۋداننىڭ اۆتوسالوندارى جانە ت. ب.
ءوز اۋماقتارىن تازارتۋ اياسىندا كاسىپكەرلەر كوگالداردى، جاياۋ جۇرگىنشىلەر جولدارىن قوقىستاردان جانە بۇتاقتاردان تازارتتى، عيماراتتاردىڭ تەرەزەلەرى مەن ۆيترينالارىن رەتكە كەلتىردى، سونداي-اق جيەكتەردى، ورىندىقتار مەن ۋرنالاردى سىرلادى.
قاتىسۋشىلاردىڭ ءبىرى اتاپ وتكەندەي، ساۋدا ورتالىقتارىنىڭ اۋماقتارىن جيناۋ جالعاساتىن بولادى.
«ناۋقان «الماتى ءبىزدىڭ ورتاق ءۇيىمىز!» بۇكىل قالانى جاڭارتۋدىڭ تاماشا مۇمكىندىگى، كوكتەم ارقاشان تازارتۋعا جانە جاڭارتۋعا شابىتتاندىرادى. سوندىقتان بولاشاقتا ءبىز وسىنداي ءىس-شارالاردى مىندەتتى تۇردە وتكىزەمىز، سونداي-اق ولارعا قاتىسامىز. جاقسى ىستەر جاساۋ ارقاشان جاقسى. ءوز ارىپتەستەرىمە كەلەتىن بولساق، مەن بۇل چەللەندجدى MOSKVA Metropolitan سوو-عا تاپسىرامىن دەپ ايتقىم كەلەدى! ءبىز ءوز قالامىزدى وتە جاقسى كورەمىز، سوندىقتان ونىڭ ءار بۇرىشىن تازا جانە ۇقىپتى ۇستاعىمىز كەلەدى»، - دەدى «مەرەي» ساۋدا ورتالىعىنىڭ ديرەكتورى رۇستەم بەكتاسوۆ.
ەستەرىڭىزگە سالا كەتەيىك، قالا بويىنشا «الماتى – ءبىزدىڭ ورتاق ءۇيىمىز» اكتسياسى اياسىندا ءىس-شارالار جالعاسۋدا. ماسەلەن، 14 ساۋىردە ساعات 11:00 - دە تۇركسىب اۋدانىندا اۋەجاي كولىنىڭ اۋماعىندا كاتاماراندار مەن بايداركالاردا «كوكتەمگى ستارت» سۋ-تۋريستىك كوپسايىستان جارىس وتەدى. سول كۇنى ساعات 13:00-دە باۋم توعايىندا پلوگگينگ (قوقىس جيناۋمەن بىرىكتىرىلگەن جۇگىرۋ) وتەدى.
«الماتى-ءبىزدىڭ ورتاق ءۇيىمىز» ناۋقانى 8 ساۋىردە باستالدى. ءاربىر تۇرعىن مەگاپوليستى دامىتۋعا جانە اباتتاندىرۋعا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششيدوم، #ناسمنوگوگورودودين، #الماتىبىزدىڭورتاقۇيىمىز، #بىزكوپپىزقالاجالعىز.
