ەكس-پرەزيدەنت نۇرسۇلتان نازارباەۆتىڭ كۇيەۋ بالاسى، ميللياردەر تيمۋر قۇلىباەۆتىڭ باقىلاۋىنداعى Atlas Development جانە Omirex كومپانيالارى ءال-فارابي اتىنداعى قازاق ۇلتتىق ۋنيۆەرسيتەتىنىڭ (قازۇۋ) بيزنەسكە وتكەن جەر ۋچاسكەلەرى بويىنشا وتكەن سوتتا جەڭىلدى، دەپ حابارلايدى “ادىرنا” ۇلتتىق پورتالى.
«الماتى قالاسى، ءال-فارابي داڭعىلىنىڭ سولتۇستىگىندە، ەسەنتاي وزەنىنىڭ باتىسىندا، جەراستى اۆتوتۇراعى بار كوپقاباتتى بيزنەس ورتالىعىن سالۋ ماقساتىنداعى كاداسترلىق جەر ۋچاسكەسىن «OMIREX» جشس مەن «ATLAS DEVELOPMENT» جشس اراسىندا جاسالعان 2017 جىلعى 9 قاراشاداعى No9338 ساتىپ الۋ-ساتۋ شارتى جارامسىز دەپ تانىلسىن»، - دەلىنگەن الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ قاۋلىسىندا.
اكىمدىكتىڭ شەشىمدەرى، سونداي-اق اتالعان بارلىق مامىلەلەر 2024 جىلعى 9 ساۋىردە سوتتىڭ شەشىمىمەن جارامسىز دەپ تانىلدى.
“قازاقستانداعى كومپانيالاردىڭ سەنىمدىلىگىنە قىزمەت كورسەتەتىن Kompra كومپانياسىنىڭ مالىمەتىنشە، Atlas Development-تىڭ قۇرىلتايشىلارى «كيپروس» جشس جانە «Joint Technologies» جشس بولىپ تابىلادى. سوڭعى كومپانيا شىنار ەليميسوۆامەن بىرگە Omirex-ءتىڭ نەگىزىن قالاۋشى بولىپ تابىلادى.
Kipros كومپانياسىنىڭ نەگىزگى يەسى قۇلىباەۆ، سول كومپانيا ارقىلى نازارباەۆتىڭ كۇيەۋ بالاسى Joint Technologies كومپانياسىن باسقارادى”، دەپ جازادى كازتاگ.
ۇقساس جاڭالىقتار
