قازاقستاندىق تەننيسشى اقش اشىق چەمپيوناتىندا جەڭىسكە جەتتى

قازاقستاندىق تەننيسشى اننا دانيلينا US Open ءتۋرنيرىنىڭ جەڭىمپازى اتاندى، دەپ حابارلايدى “ادىرنا” ءتىلشىسى.  قازاقستان تەننيس فەدەراتسياسىنىڭ مالىمەتىنشە قازاقستاندىق سپورتشى اننا دانيلينا فين سپورتشىسى حارري حەليەۆاارامەن بىرگە ارالاس جۇپتا 2023 جىلعى اقش اشىق چەمپيوناتىنىڭ جەڭىمپازى اتانىپ وتىر. “فينالدا قازاقستاندىق-فين دۋەتى قازىرگى US Open ءتۋرنيرىنىڭ ءبىرىنشى تىزگىنىن ۇستاعان امەريكالىق دجەسسيكا پەگۋلا مەن وستين كرايچەكتى 6:3, 6:4 ەسەبىمەن ۇتتى”، - دەلىنگەن حابارلامادا. دانيلينا ارالاس جۇپتا «ۇلكەن دۋلىعا» ءتۋرنيرىنىڭ جەڭىمپازى اتانعان تاريحتاعى تۇڭعىش قازاق ايەلى. جەڭىمپازداردى ماراپاتتاۋ راسىمىندە دانيلينا قارسىلاستارىن قۇتتىقتاپ، سەرىكتەسىنە العىسىن ءبىلدىردى. ونى قولداعان بارشا جانكۇيەرلەرگە، ءتۋرنيردى ۇيىمداستىرۋشىلارعا جانە ونىڭ كومانداسىنا ەرەكشە العىسىن ءبىلدىردى. «مەن بۇگىن وسىندا وتىرعان قازاقستان تەننيس فەدەراتسياسىنىڭ پرەزيدەنتى بولات وتەمۇراتوۆقا جانە بۇكىل فەدەراتسياعا قازاقستانداعى تەننيستى قولداپ، دامىتىپ جاتقانى ءۇشىن العىس ايتقىم كەلەدى. بۇل تاماشا مۇمكىندىك جانە مەن تاريحتا ءبىرىنشى رەت وسى اتاققا يە بولعانىمىزعا قۋانىشتىمىن!»،- دەدى سپورتشى. سونداي-اق، اننا سەرىكتەسى گارريگە العىس ايتتى.