استانا. 02 قىركۇيەك 2023 جىل. قازاقستاننىڭ كەڭىستىگىندە الەمدە تەڭدەسى جوق ۇزىن قاشىقتىقتارعا ارنالعان ات سپورتىنىڭ مۇلدەم جاڭا ءتۇرى - جورىق پايدا بولدى. ول العاش رەت 2022 جىلى وتكەن «ۇلى دالا جورىعى» مارافون-بايگەسىنىڭ ناتيجەسىندە دۇنيەگە كەلدى.
قازاقستاندا تاي-بايگە، قۇنان-بايگە، الامان بايگە، جورعا بايگە سەكىلدى ات جارىستارىنىڭ بىرنەشە ءتۇرى بەلگىلى. الايدا ولاردىڭ بىرەۋى دە جورىق سياقتى ۇزاق قاشىقتىقتى باعىندىرمايدى.
2022 جىلى «ۇلى دالا جورىعى» مارافون-بايگەسىنىڭ العاش ماۋسىمى ويداعىداي ءوتتى. بۇل وقيعا ات سپورتى الەمىندەگى ناعىز جاڭالىق بولدى. ءبىرىنشى مارافوننىڭ قاشىقتىعى 1200 شاقىرىمدى قۇرادى. ونىڭ قاشىقتىعى مەن قيىندىعىنا قاراماستان، 95 تۇلپاردىڭ 26-سى ويداعىداي مارەگە جەتتى. بۇل جەتىستىك جورىقتىڭ ومىرشەڭدىگىن دالەلدەپ، الەمدىك ات سپورتىنا وزىندىك جاڭاشىلدىق ەنگىزىپ وتىر.
موڭعوليادا وسىنداي ات مارافونى وتكىزىلەتىنى بەلگىلى. الايدا وندا قاشىقتىق 1000 شاقىرىمدى قۇرايدى. بۇل رەتتە ءار 40 شاقىرىم سايىن جىلقى اۋىستىرىلىپ وتىراتىنىن ەسكەرگەن ءجون. ال ءبىزدىڭ جاعدايدا مارافون قاشىقتىعىنىڭ جارتىسى - 650 شاقىرىمنان كەيىن ءبىر رەت قانا ات اۋىستىرىۋ رۇقسات ەتىلەدى. بۇل تاعى ءبىر مارتە قازاقتىڭ جىلقى تۇقىمدارىنىڭ ەرەكشە توزىمدىلىگىن راستايدى.
قازاقستاندا جورىق بيىل ەرەكشە نازار اۋدارۋعا لايىق. سەبەبى اعىمداعى ماۋسىمدا قاشىقتىق 1300 شاقىرىمدى قۇرايدى. شاباندوزدار استانادان تۇركىستانعا دەيىنگى باعىتتى 14 كۇن ىشىندە ءوتۋى ءتيىس. بۇل مىندەتتى از ۋاقىت ىشىندە ورىنداپ شىعاتىن كوماندا «ۇلى دالا جورىعى» مارافون-بايگەسىنىڭ ءابسوليۋتتى جەڭىمپازى اتانادى.
«ۇلى دالا جورىعى - 2023» مارافون-بايگەسىنىڭ ماۋسىمى 3 كۇننەن كەيىن - 6 قىركۇيەكتە ساعات 14:00-دە قاراجار (يلينكا) اۋىلىندا باستالادى. بۇل تەك ات سپورتى جانكۇيەرلەرىنىڭ عانا ەمەس، سونداي-اق، جاڭا سىن-تەگەۋرىندەر مەن ەموتسيالارعا قۇشتار قازاقستانىدقتاردىڭ دا نازارىن وزىنە اۋداراتىن تىڭ وقيعا بولماق.
- باستالۋ كۇنى: 2023 جىلعى 6 قىركۇيەك
- وتەتىن ورنى: قاراجار اۋىلى (يلينكا)
- قاشىقتىق: 1300 كيلومەتر
- ۇزاقتىعى: 14 كۇن
- رەسمي سايتى: www.joryq.kz
«ۇلى دالا جورىعى» مارافون-بايگەسىنىڭ ۇيىمداستىرۋ كوميتەتى
"ادىرنا" ۇلتتىق پورتالى
