استانادا بيىل 1900 ورىنعا ارنالعان 5 ستۋدەنتتىك جاتاقحاناىنىڭ قۇرىلىسىن اياقتاپ، قولدانىسقا بەرۋ جوسپاردا بار. ال 2025 جىلعا دەيىن جەكە ينۆەستورلار مەن جوعارى وقۋ ورىندارىنىڭ مەنشىكتى قاراجاتى ەسەبىنەن 11 مىڭعا جۋىق ورنى بار عيماراتتاردى پايدالانۋعا بەرۋ جوسپاردا بار. استانادا ستۋدەنتتىك جاتاقحانالار قۇرىلىسىن جوبالايتىن كەڭسە اشىلدى، دەپ حابارلايدى "ادىرنا" ۇلتتىق پورتالى ەلوردا اكىمدىگىنىڭ رەسمي سايتىنا سىلتەمە كورسەتە وتىرىپ.
استانادا ستۋدەنتتىك جاتاقحانالار سالۋ بويىنشا جوبالىق كەڭسە اشىلدى. فرونت-ءوفيستىڭ نەگىزگى مىندەتى - جاتاقحانالار سالۋ جونىندەگى مەملەكەتتىك باعدارلامانى ىسكە اسىرۋ ءۇشىن قولايلى جاعدايلار جاساۋ جانە ستۋدەنتتەردى تۇرعىن ۇيمەن قامتاماسىز ەتۋ، سول سياقتى جوو-لار مەن الەۋەتتى ينۆەستورلارعا زاڭگەرلىك، كونسۋلتاتسيالىق جانە ساراپتامالىق قولداۋ كورسەتۋ.
جوبالىق كەڭسەنىڭ اشىلۋىندا استانا اكىمى جەڭىس قاسىمبەك پەن قر عىلىم جانە جوعارى ءبىلىم ءمينيسترى ساياسات نۇربەك قۇتتىقتاۋ ءسوز سويلەدى.
«ەلورداعا وقۋعا كەلەتىن ستۋدەنتتەر سانى جىل سايىن ارتىپ كەلەدى. قالادا 15 جوعارى وقۋ ورنى بار، وندا 67 مىڭعا جۋىق ستۋدەنت وقيدى. ولاردىڭ ءبىر كولىگى بۇل قالادان ەمەس. جاۋاپتى مينيسترلىكپەن بىرلەسىپ ينفراقۇرىلىمدى قۇرۋ بويىنشا جۇمىس جۇرگىزەمىز. جاتاقحانالاردا كەزەڭ-كەزەڭىمەن ورىن دايىندايمىز. بۇل جۇمىس ينۆەستورلاردى دا، جوعارى وقۋ ورىندارىن دا جۇمىلدىرا وتىرىپ جۇرگىزىلەدى. ءبىز ءوز تاراپىمىزدان جەر ۋچاسكەلەرى مەن اكىمشىلىك ماسەلەلەر بويىنشا كومەك كورسەتەمىز»، - دەدى استانا اكىمى جەڭىس قاسىمبەك.
بيىل «قارجى ورتالىعى» اق قر عىلىم جانە جوعارى ءبىلىم مينيسترلىگى ازىرلەگەن جاڭا تەتىك بويىنشا سۋبسيديالاۋعا جانە باسقا دا ماسەلەلەردە كومەك كورسەتەدى. بۇل تەتىك ءاربىر توسەك-ورىن ءۇشىن جاڭا جاتاقحانالار سالۋ كەزىندە سۋبسيديالاردى كوزدەيدى.
ينۆەستورلار، قر عىلىم جانە جوعارى ءبىلىم مينيسترلىگى، استانا اكىمدىگى، «قارجى ورتالىعى» اق جانە بىرقاتار جوو اراسىندا ستۋدەنتتىك جاتاقحانالار سالۋ بويىنشا ارى قاراي دا جەمىستى ىنتىماقتاستىق ورناتۋ تۋرالى مەموراندۋمدار جاسالدى.
"ادىرنا" ۇلتتىق پورتالى
