بۇگىن «ەۋرازيالىق بانك» باسقارما باسشىلارى باق وكىلدەرىمەن كەزدەسۋ وتكىزدى. جيىندا بانكتىڭ 2022 جىلعى كورسەتكىشتەرى، جەتىستىكتەرى مەن الداعى جوسپارى ءسوز بولدى. اتالعان باسقوسۋعا adyrna.kz ءتىلشىسى دە قاتىسىپ، حالىق كوكەيىندەگى سۇراقتاردى قويدى.
2022 جىل الەمدىك ەكونوميكا ءۇشىن تۇراقسىز ءارى تاۋەكەلگە تولى بولعانى ءسوزسىز. گەوساياسي شيەلەنىس پەن سانكتسيالىق شەكتەۋلەر بانك جۇيەسىنە دە ايتارلىقتاي اسەر ەتتى. ەۋرازيالىق بانك وسىنداي قيىن كەزەڭدى، سىن-قاتەرلەردى اينالىپ ءوتىپ، جاڭا مۇمكىندىكتەردىڭ ەسىگىن اشقان. ءبىر عانا مىسال، بانك نارىقتاعى ۇلەسىن 3,8 پايىزدان 5,3 پايىزعا ۇلعايتىپتى. كاپيتال رەنتابەلدىگىن 41 پايىزعا ارتتىرعان.
ودان وزگە ەكىنشى، ءۇشىنشى مىسالداردى تىزبەكتەي بەرۋگە دە بولادى. تسيفرلاندىرۋ بويىنشا، تاۋارلىق نەسيە بەرۋدە شەشىم شىعارۋ 4 سەكۋند ۋاقىت ىشىندە جۇزەگە اسادى. وتكەن جىلدىڭ ەكىنشى جارتىجىلدىعىندا بانك اكتيۆتەرى 2,3 تريلليون تەڭگەدەن اسقان. Moody's Investors Service حالىقارالىق رەيتينگ اگەنتتىگى ەۋرازيالىق بانكتىڭ ۇزاق مەرزىمدى دەپوزيتتىك رەيتينگىسىنىڭ B2 بولجامىن «تۇراقتىدان» «ءپوزيتيۆتى» دەڭگەيگە وزگەرتىپتى.
ەۋرازيالىق بانك اۆتونەسيە بەرۋدە ەش بانككە دەس بەرمەي كەلەدى. نارىقتاعى ۇلەسى – 48 پايىز. ءتىلشىمىز باسقارما باسشىسىنان «اۆتونەسيە بەرۋدەن الدا كەلەسىزدەر، نارىقتا تاكسي قىزمەتىنە سۇرانىس وتە جوعارى. ەۋرازيالىق بانك ءوز اۆتو-تاكسي قىزمەتىن ىسكە قوسۋعا قاۋقارلى ما؟» دەپ سۇرادى.
«بىزدە ناقتى وسى باعىتقا ارنالعان جوسپار جوق. بۇل سالانى تەرەڭ زەرتتەۋ قاجەت. ەگەر، ءتيىمدى بولسا نەگە جاساماسقا»، – دەدى ەۋرازيالىق بانكتىڭ باسقارما توراعاسى ءلاززات ساتيەۆا.
حوش، سونىمەن اتالعان بانك حالىق ءۇشىن قانشالىقتى ءتيىمدى؟ وزگەلەردەن قالاي ەرەكشەلەنەدى؟ ءتىلشىمىز وسى ساۋالعا دا جاۋاپ الدى.
«ەۋرازيالىق بانك وزگەلەردەن قالاي ەرەكشەلەنەدى دەگەندە نەسيە بەرۋ شارتتارىنىڭ جان-جاقتىلىعىن ايتۋعا بولادى. بىزدە نەسيەنى ماقۇلداۋ كورسەتكىشى جوعارى»، – دەيدى باسقارما توراعاسى.
ودان وزگە ەۋرازيالىق بانك POS-نەسيەلەۋ بويىنشا نارىقتىڭ 17 پايىزىن يەلەنىپ، ءۇشىنشى ورىندا تۇر. وسى جىلى وزبەكستان نارىعىنا كىرىپ، ەنشىلەس بانك اشۋ جوسپارلانۋدا. تۇتىنۋشىلارعا قولايلى بانك بولۋ ءۇشىن ايانىپ قالمايمىز دەيدى باسقارما مۇشەلەرى.
قر قارجى نارىعىن رەتتەۋ جانە دامىتۋ اگەنتتىگى بەرگەن 2020 جىلعى 3 اقپانداعى № 1.2.68/242/40 ليتسەنزياسى بار.
