«AMANAT» رەسپۋبليكالىق سايلاۋالدى شتابىنىڭ مۇشەلەرى اقتوبە وبلىسىندا ءوڭىر جۇرتشىلىعىمەن، كاسىپورىنداردىڭ ەڭبەك ۇجىمدارىمەن، دارىگەرلەرمەن جانە باسقالارمەن كەزدەستى.
ءوڭىر جۇرتشىلىعىمەن جۇزدەسۋگە 300-دەن استام ادام قاتىستى. وندا شتاب مۇشەلەرى پارتيانىڭ سايلاۋالدى باعدارلاماسىنداعى تۇرعىن ۇيگە قولجەتىمدىلىكتى، ساپالى ءبىلىم بەرۋدى، ينفراقۇرىلىمدى جانە جول جوندەۋدى قامتاماسىز ەتۋگە باعىتتالعان نەگىزگى باسىمدىقتارى تۋرالى ايتتى.
پارتيالىقتار رەتسىز سالىنعان قۇرىلىس پەن توزىعى جەتكەن ينفراقۇرىلىم ادامداردىڭ ءومىر ءسۇرۋ ساپاسىنا كەرى اسەر ەتەتىنىن اتاپ ءوتتى.
«AMANAT» پارتياسى عيماراتتاردىڭ تىعىز سالىنۋىن جانە ۇلەستىك قۇرىلىس ماسەلەلەرىن بولدىرماۋ ءۇشىن جاڭا «قۇرىلىس كودەكسىن» قابىلداۋدى قامتاماسىز ەتەدى. ءبىز ۇلەستىك تۇرعىن ءۇي قۇرىلىسىنداعى بارلىق پروبلەمالىق نىسانداردى پايدالانۋعا بەرۋگە قول جەتكىزەمىز، جەكە قۇرىلىس كومپانيالارىنا الەۋمەتتىك تۇرعىن ءۇي سالۋ ءۇشىن ىنتالاندىرۋلار جاسايمىز. عيماراتتاردى سەيسمومەتريالىق باقىلاۋ كۇشەيتىلىپ، قۇرىلىس كەزىندە تەحنيكالىق نورمالاردىڭ ساقتالۋىن باقىلاۋ قامتاماسىز ەتىلەدى», - دەپ اتاپ ءوتتى شتاب مۇشەسى بەردىبەك ساپارباەۆ.
پارتيا الداعى 5 جىلدا وڭىردە كەمىندە 30 مىڭ وتباسىن تۇرعىن ۇيمەن قامتاماسىز ەتۋدى جوسپارلاپ وتىر. وبلىستىڭ بارلىق اۋدانىندا جانە اقتوبە قالاسىندا 40 مەكتەپ سالىنىپ، 160-تان استام مەكتەپ جاڭارتىلادى، كەمىندە 2200 شاقىرىم جولدى جوندەۋگە قاراجات بولىنەدى.
بۇدان سوڭ پارتيالىقتار ارنايى كيىم شىعاراتىن كاسىپورىننىڭ ەڭبەك ۇجىمىمەن كەزدەسۋ وتكىزدى. سالادا مامانداردىڭ جەتىسپەۋشىلىگى جانە تۇراقتى تۇردە ۇزاق مەرزىمدى تاپسىرىستاردىڭ بولماۋى سياقتى بىرقاتار پروبلەما بار. پارتيالىقتار جاڭا جەڭىل ونەركاسىپ كاسىپورىندارىن قۇرۋعا جانە ولاردىڭ جۇكتەمەسىن ىنتالاندىرۋعا نيەتتى ەكەنىن اتاپ ءوتتى.
شتاب مۇشەلەرى وڭىردەگى مادەنيەت جانە سپورت قىزمەتكەرلەرىمەن مادەني مۇرانى ساقتاۋ جانە سالاۋاتتى ءومىر سالتىن ناسيحاتتاۋ ماسەلەلەرىن تالقىلادى.
اقتوبە فەرروقورىتپا زاۋىتىنىڭ قىزمەتكەرلەرىمەن كەزدەسۋدە شتاب مۇشەلەرى جۇمىسشىلاردىڭ مۇددەلەرى مەن قۇقىقتارىن قورعاۋ پارتيانىڭ نەگىزگى باسىمدىقتارىنىڭ ءبىرى ەكەنىن العا تارتتى.
الداعى 5 جىلدا وڭىردە 105 مىڭ جاڭا جۇمىس ورنىن اشۋ جانە 55 كاسىپورىندا قۇرال-جابدىقتاردى جاڭعىرتۋ جوسپارلانۋدا. پارتيالىقتار زياندى جانە قاۋىپتى وندىرىستەردە جۇمىس ىستەيتىن جۇمىسشىلاردىڭ زەينەتكە ەرتە شىعۋ مۇمكىندىگىنە قول جەتكىزەتىن بولادى.
اقتوبە وبلىسىنىڭ مەديتسينالىق قاۋىمداستىعىمەن كەزدەسۋدە پارتيالىقتار دەنساۋلىق ساقتاۋ جۇيەسىن تۇبەگەيلى جاقسارتۋعا قول جەتكىزۋ شارالارىن تالقىلادى. الداعى بەس جىلدا وڭىردە 42 دەنساۋلىق ساقتاۋ نىسانى سالىنادى، ونىڭ ىشىندە وبلىستىق قان ورتالىعىنىڭ قۇرىلىسى دا جوسپارلانىپ وتىر.
دايىنداعان: "AMANAT" پارتياسىنىڭ ءباسپاسوز قىزمەتى
تاپسىرىس بەرۋشى: م.ج. وسپانوۆ
“AMANAT” پارتياسىنىڭ سايلاۋ قورى قاراجاتى ەسەبىنەن تولەندى.
