ورالدا ايەل ادام ساۋدا ورتالىعىندا جاراقات الدى. ونىڭ اياعى ەسكالاتوردا قىسىلىپ قالعان، دەپ حابارلايدى “ادىرنا” ءتىلشىسى "موي گورود" سايتىنا سىلتەمە جاساپ.
وقيعا 25 جەلتوقساندا ساۋدا ورتالىعىندا بولدى.
بقو دەنساۋلىق ساقتاۋ باسقارماسىنىڭ ءباسپاسوز قىزمەتىنەن حابارلاعانداي، ساعات 10:03-تە شاقىرتۋ ءتۇستى.
"1982 جىلى تۋعان، وڭ جاق جىلىنشىگىنىڭ ۇشتەن ءبىر بولىگى جارالانعان زارداپ شەككەن ايەل وبلىستىق كوپسالالى اۋرۋحاناعا جەتكىزىلدى. ونىڭ اياعى ەسكالاتوردا قىسىلىپ قالعان", – دەدى دەنساۋلىق ساقتاۋ باسقارماسىنىڭ ءباسپاسوز قىزمەتى.
پوليتسيا اقپاراتتى راستادى.
"انىقتالعان اقپارات بويىنشا، وقيعا ناۋقاستىڭ ابايسىزدىعىنان بولعان. قازىرگى ۋاقىتتا پوليتسەيلەر نە بولعانىن تۇسىنۋدە", – دەپ حابارلادى بقو پوليتسيا دەپارتامەنتىنىڭ ءباسپاسوز قىزمەتى.
ساۋدا ورتالىعىنىڭ اكىمشىلىگى بۇل تۋرالى پىكىر بىلدىرمەدى.
