سايرام اۋدانى اكىمدىگىنىڭ قىزمەتكەرلەرى ماسەلەسىن ايتىپ كەلگەن ايەلگە دورەكى سويلەگەن. بۇل تۋرالى Facebook پاراقشاسىنا تۇركىستاندىق جاس بەلسەندى جاريالادى، دەپ حابارلايدى “ادىرنا” ۇلتتىق پورتالى.
ۆيدەودا قىزمەتكەرلەر دورەكى سويلەپ، ءتىپتى ايەلدى جىلاتىپ قويعان.
“سايرام اۋدانىنىڭ اكىمدىگى حالىقپەن قالاي سويلەسۋ كەرەكتىگىن بىلە مە ءوزى؟ مىنا ۆيدەودا اۋدان اكىمدىگىنىڭ ءبىر توپ قىزمەتكەرى ماسەلەسىن ايتىپ كەلگەن ايەلدى، جان-جاقتان جۇلمالاپ جاتىر. مەملەكەتتىك قىزمەت ەتيكاسىنا ساي كەلمەيتىن سوزدەرمەن ايەلدىڭ نامىسىنا ءتيىپ تۇرعانداي.
وسى ۆيدەودان تۇيگەنىم: جاڭا قازاقستان سايرام اۋدانىنا ءالى كەلمەگەن سياقتى. وتكەندە وبلىس اكىمىنىڭ ەسەپتىك جيىنىندا شاقىرىلماعان تۇرعىنعا سۇراق قويعىزباي سۇيرەلەپ ەدى. ەندىگى جاعداي مىناۋ.
حالىق وبلىس اكىمى تۇرماق، اۋدان اكىمىنىڭ ماڭىنا جولاي الماي جۇرگەندە، اشىقتىق تۋرالى اڭگىمە ايتۋدىڭ ءوزى ارتىق”،- دەپ جازدى بەلسەندى ايكا ايتاحانوۆا.
