پەتروپاۆل قالاسىنىڭ اكىمدىگى مەملەكەتتىك تاپسىرىستار پورتالىنا 3,6 ميلليون تەڭگە بولاتىن جاڭا لوت ورنالاستىرعان. الايدا جوندەۋ جۇمىستارىنا ارنالعان قارجىنىڭ 1 ميلليون تەڭگەسى قىمبات دۋش كابيناسىن ساتىپ الۋعا جۇمسالماق. بۇل تۋرالى پەتروپاۆلسك.news. جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، اكىمدىك عيماراتىنىڭ 4-قاباتىنا جوندەۋ جۇمىستارىن جۇرگىزۋ جوسپارلانعان. ال جۇمىستىڭ نەگىزگى ماقساتى – ۇزىندىعى 1,5 مەتر، ال بيىكتىگى 2 مەتر بولاتىن دۋش كابيناسىن ورناتۋ.
“مۇمكىن وندا قازىر ساۋنا بار شىعار؟ اكىمدىك تۋرالى تاعى نەنى بىلمەيمىز؟” - دەلىنگەن باسىلىمدا.
بولىنگەن قارجىنىڭ 1 ميلليون تەڭگەسى جۇمىسشىلاردىڭ جالاقاسىنا، 1,5 ميلليون تەڭگەسى قۇرىلىس ماتەريالدارىنا، ال 848 مىڭ تەڭگەسى (قوسىمشا شىعىندارمەن قوسا ەسەپتەگەندە، بۇل قارجى 916 مىڭ تەڭگەگە جەتەدى) دۋش كابيناسىنا ارنالعان.
”ادىرنا” ۇلتتىق پورتالى
