Shymbulak تاۋ كۋرورتى «بايشەشەك» ءتاريفىنىڭ ىسكە قوسىلعانىن حابارلادى. جاڭا ءتاريفتىڭ ەنگىزىلۋىنە بايلانىستى سكي-پاسس قۇنى 30%-عا تومەندەدى.
«بايشەشەك» ءتاريفى كۋرورتتاعى ەڭ جايلى سىرعاناۋ كەزەڭىنىڭ باستالۋىنا ورايلاستىرىلعان. بۇل ۋاقىتتا تاۋدا قىس پەن كوكتەمنىڭ ارتىقشىلىقتارى ۇيلەسەدى: قار جامىلعىسىنىڭ ساپاسى ساقتالادى, كۇن شۋاعىن توگىپ, تراسسالاردا ادام سانى ازايادى.
«قازاقستاندا تاۋ-شاڭعى ماۋسىمى ناۋرىزدىڭ سوڭى مەن ءساۋىردىڭ باسىندا اياقتالادى. ال Shymbulak باسقا كۋرورتتارعا قاراعاندا ەڭ ۇزاق جۇمىس ىستەيدى. بيىل اقپاننىڭ سوڭىندا تۇسكەن مول قاردىڭ ارقاسىندا قازىر سىرعاناۋعا وتە جايلى جاعداي قالىپتاستى. اۋا-رايى قولايلى بولسا, ساپالى سىرعاناۋ ماۋسىمى كەم دەگەندە ءساۋىر ايىنىڭ ورتاسىنا دەيىن جالعاسادى دەپ بولجاپ وتىرمىز»، – دەيدى «Shymbulak» كۋرورتىنىڭ كليەنتتەرگە قىزمەت كورسەتۋ ءبولىمىنىڭ جەتەكشىسى تەمىرلان ءجۇسىپ.
«بايشەشەك» ءتاريفى اياسىندا الەۋمەتتىك تۇرعىدان وسال توپتارعا ارنالعان جەڭىلدىكتەر تولىق كولەمدە ساقتالادى. تاريفتەر مەن كەلۋ شارتتارى تۋرالى وزەكتى اقپاراتتى «Shymbulak» كۋرورتىنىڭ رەسمي سايتىندا جانە ءموبيلدى قوسىمشاسىنان الۋعا بولادى.
