ءبىزدىڭ ۇلتتىق مادەني فورماتسيامىز ەگەمەندىك العاننان كەيىن ۇلكەن كەرى تارتپا وزگەرىستەرگە شالىنىپ جاتقان جاعدايى بار، ول مىسالى ەسكى پاتەردىڭ سىرتقى كوسمەتيكالىق رەمونتى سەكىلدى، نە سوعىلعان كولىكتى ارزان رەستاۆراتسيا جاساپ ساتۋعا ارنالعانداي ما دەيمىن.
قوزى كورپەش تاريحي كەسەنە سول جاعدايدى انىق كورسەتىپ تۇر، كونە زاماننان بەرى تالاي عاسىر قابىرعاسىنا ءىزىن سالىپ كەتكەن اڭىز نىسان دەربەس مەملەكەت بولعان مەزەتتە اياق استىنان "رەستاۆراتسيالانىپ", كارى ادامنىڭ بەتىنە كوسمەتيكا جاعىپ، وتىرىك كىرپىك جەلىمدەپ، ەرنى مەن بەتىنە بوتەكس سالىپ تاستاعان كەمپىر سەكىلدى سەزىم قالدىرادى. بۇل جاعداي مادەنيەتتەن جۇرداي ازاماتتاردىڭ تىرلىگى، بۇل شىنايى تاريح پەن داستۇرگە جاسالعان قيانات دەۋگە بولادى دەپ ەسەپتەيمىن.
مادەني قۇلدىراۋ جاۋ شاپقانمەن بىردەي، جالعان مادەني دامۋ تامىرىمىزدى بالتامەن شاپقانمەن تەڭ، ويتكەنى كوش باسىندا نارىق پەن بيزنەس، بيلىك پەن ەكونوميكا، ال مادەنيەت كوش سوڭىندا ارەڭ ىلەسىپ، ەتەكتەرىنە جارماسىپ تاستاپ كەتپەسە ەكەن دەگەندەي جالتاڭداپ كەلەدى. قۇندىلىقتار بايلانىسى ءۇزىلىپ، جاساندى سينتەتيكالىق ۇعىم باسىم بولعان زاماندا شىنايى وركەنيەتىمىز ويىنشىق بولىپ قالعان ءتۇرى بار...
بۇل مەنىڭ جەكە ويىم، ءوز تۇيگەن ءتۇيىنىم.
