يراندا ءوتىپ جاتقان جاپپاي نارازىلىقتار كەزىندە قازا تاپقاندار سانىنا قاتىستى جاڭا مالىمەتتەر جاريالاندى، دەپ حابارلايدى “ادىرنا”.
اقش-تاعى ادام قۇقىقتارىن قورعاۋ بەلسەندىلەرىنىڭ جاڭالىق اگەنتتىگىنىڭ (HRANA) دەرەگىنە سايكەس، قازا تاپقاندار سانى 116 ادامعا جەتكەن. يسلام رەسپۋبليكاسىنداعى نارازىلىق اكتسيالارى 14 كۇننەن بەرى جالعاسىپ كەلەدى.
قازا تاپقانداردىڭ اراسىندا قاۋىپسىزدىك كۇشتەرىنىڭ 37 قىزمەتكەرى، ءتورت مەديتسينا قىزمەتكەرى جانە ءبىر پروكۋرور بار. سونىمەن قاتار 2 600-دەن استام ادام ءتۇرلى جاراقات العان، ال ۇستالعانداردىڭ جالپى سانى 2 638 ادامنان اسقان.
يران بيلىگى ازىرگە قازا تاپقاندار مەن جارالانعاندار سانى تۋرالى رەسمي اقپارات جاريالاعان جوق. بۇعان دەيىن، 10 قاڭتار كۇنى HRANA 66 ادامنىڭ قازا تاپقانىن حابارلاعان ەدى.
ۇقساس جاڭالىقتار
