اقش بيلىگى ۆەنەسۋەلا پرەزيدەنتى نيكولاس مادۋرو مەن ونىڭ جۇبايى سيليا فلورەسءتى نيۋ-يورك قالاسىنىڭ وڭتۇستىگىندەگى برۋكلين اۋدانىندا ورنالاسقان ۋاقىتشا ۇستاۋ ورتالىعىنا جەتكىزدى. بۇل تۋرالى CNN تەلەكومپانياسى ايتتى، دەپ حابارلايدى «ادىرنا» ءتىلشىسى.
مادۋرو مەن فلورەس وتىرعان ۇشاق اقش ۇلتتىق گۆاردياسىنىڭ ستيۋارت اۋە بازاسىنا جەرگىلىكتى ۋاقىتپەن شامامەن 16:30-دا (استانا ۋاقىتىمەن 02:30) قونعان. كەيىن ۆەنەسۋەلا باسشىسى مەن ونىڭ جۇبايى مانحەتتەنگە، اقش-تىڭ ەسىرتكىمەن كۇرەس باسقارماسىنا جەتكىزىلىپ، ارتىنشا قاماۋدا ۇستاۋ ورتالىعىنا جونەلتىلگەن. ولاردى نيۋ-يورك قالاسى اۋماعىندا تاسىمالداۋ ءۇشىن امەريكالىق بيلىك تىكۇشاقتار مەن اۆتوكولىكتەردى پايدالانعان.
NBC News مالىمەتىنشە، مادۋرو بۇگىن نيۋ-يوركتە سوت الدىنا كەلۋى مۇمكىن. سوت وتىرىسى استانا ۋاقىتىمەن شامامەن 22:00-دە باستالۋى ءتيىس. ولارعا «ناركوتەرروريزمگە» قاتىسى بار، كوكاين كونترابانداسى، سونداي-اق اقش-قا قارسى قولدانىلۋى مۇمكىن قارۋ-جاراق پەن جارىلعىش زاتتاردى زاڭسىز ساقتاۋ ايىپتارى تاعىلىپ وتىر.
