قازاقستاندىق بەلگىلى بوكسشى، World Boxing ۇيىمىنىڭ پرەزيدەنتى جانە قازاقستان ۇلتتىق وليمپيادا كوميتەتىنىڭ توراعاسى گەننادي گولوۆكين ساۋد ارابياسىنا ساپارى بارىسىندا الەم فۋتبولىنىڭ جۇلدىزى كريشتيانۋ رونالدۋمەن كەزدەستى، دەپ حابارلايدى “ادىرنا”.
كەزدەسۋ ەر-رياد قالاسىندا ءوتتى. گولوۆكين مۇندا ءىرى بوكس كەشىن تاماشالاۋ ءۇشىن كەلگەن. اتالعان كەشتىڭ باستى جەكپە-جەگىندە جاپونيالىق ناويا ينوۋە مەكسيكالىق داۆيد پيكاسسونى جەڭگەن بولاتىن.
جەلىدە جاريالانعان ۆيدەودان ەكى سپورت جۇلدىزىنىڭ جىلى جۇزدەسكەنىن كورۋگە بولادى. اڭگىمە بارىسىندا گەننادي گولوۆكين كەلەسى جىلى تاعى ءبىر جەكپە-جەك وتكىزۋى مۇمكىن ەكەنىن ايتىپ قالدى. بۇل مالىمدەمە جانكۇيەرلەر اراسىندا ۇلكەن قىزىعۋشىلىق تۋدىردى.
كريشتيانۋ رونالدۋ دا قازاقستاندىق بوكسشىمەن كەزدەسكەنىنە قۋانىشتى ەكەنىن ءبىلدىرىپ، جىلى لەبىزىن جەتكىزدى.
ەسكە سالساق، گەننادي گولوۆكين مەن كريشتيانۋ رونالدۋ بۇعان دەيىن، 2020 جىلى، DAZN پلاتفورماسىنىڭ ءبىر جوباسىنا بىرگە قاتىسقان ەدى.
