بەلگيانىڭ جەناپ كوممۋناسىندا ورنالاسقان "ناپولەوننىڭ سوڭعى شتاب-پاتەرى مۋزەيى" مۋزەيى تونالدى، دەپ حاباراليدى "ادىرنا" ۇلتتىق پورتالى.
مۋزەيدەن ناپولەون بوناپارتقا تيەسىلى گاۋھار تاستارى بار التىن ساقينا، سونداي-اق ناپولەون ءداۋىرىنىڭ التىن جانە كۇمىس تيىندارى ۇرلانعان.
RTBF تەلەارناسىنىڭ مالىمەتىنشە، قىلمىستى ەكى ادام جاساۋى مۇمكىن.
"ەكى ادام عيماراتقا تەرەزەنى سىندىرۋ ارقىلى كىرگەن. كەيىن ولار ۆيترينالاردى بۇزىپ، ىشىندەگى زاتتاردى يەمدەنگەن", – دەلىنگەن حابارلامادا.
ۇرلانعان ەكسپوناتتاردىڭ تاريحي قۇندىلىعى ەرەكشە ەكەنى اتاپ ءوتىلدى. اسىرەسە ناپولەونعا تيەسىلى التىن ساقينا مۋزەيدىڭ ەڭ بىرەگەي جادىگەرلەرىنىڭ ءبىرى سانالعان.
قازىرگى ۋاقىتتا بەلگيانىڭ قۇقىق قورعاۋ ورگاندارى وقيعاعا بايلانىستى تەرگەۋ جۇمىستارىن باستادى. كەلتىرىلگەن شىعىن كولەمى مەن قىلمىستىڭ ءمان-جايى ناقتىلانىپ جاتىر.
ايتا كەتەيىك، بۇعان دەيىن لۋۆر مۋزەيىندە ۇرلىق بولعان.
