استانادا يندۋستريا جانە ينفراقۇرىلىمدىق دامۋ مينيسترلىگىنىڭ بۇرىنعى ۆيتسە-ءمينيسترى ادىلبەك سارسەمباەۆ ۇستالدى. 47 جاستاعى ەكس-شەنەۋنىككە قىلمىستىق كودەكستىڭ 361-بابى «لاۋازىمدىق وكىلەتتىكتەردى تەرىس پايدالانۋ» بويىنشا ايىپ تاعىلۋدا. بۇل تۋرالى بەلگىلى جۋرناليست ميحايل كوزاچكوۆ جازدى، دەپ حابارلايدى "ادىرنا".
دەرەككوزدىڭ مالىمەتىنشە، قارجىلىق مونيتورينگ اگەنتتىگىنىڭ قىزمەتكەرلەرى سارسەمباەۆتى اسكەري تەحنيكانى ساتىپ الۋعا قاتىستى شۋلى قىلمىستىق ءىس اياسىندا تەرگەپ جاتىر. تەرگەۋ بولجامى بويىنشا، ەكس-ۆيتسە-مينيستر «KAZYTEC» جاۋاپكەرشىلىگى شەكتەۋلى سەرىكتەستىگىن زاڭسىز تۇردە اسكەري تەحنيكا جەتكىزۋشى ەتىپ تاعايىنداۋعا ىقپال ەتكەن.
نەگىزگى قىلمىس سحەماسى جويعىش ۇشاقتارعا ارنالعان قوسالقى بولشەكتەردى ساتىپ الۋ كەزىندە جۇزەگە اسقان. «قازارناۋلىەكسپورت» كاسىپورنى بۇل تاپسىرىستى ورىنداۋ ءۇشىن ءتيىستى بىلىكتىلىگى جوق «KAZYTEC» كومپانياسىن تارتقان. ناتيجەسىندە مەملەكەتكە 600 ميلليون تەڭگە كولەمىندە زالال كەلتىرىلىپ، ۇشاقتار قاجەتتى بولشەكتەرسىز قالعان.
قۇقىق قورعاۋ ورگاندارىنىڭ سارسەمباەۆقا نازار اۋدارۋى اسكەريلەرگە ارنالعان تەحنيكا ساتىپ الۋ ىسىنە بايلانىستى ءىرى كوررۋپتسيالىق تەرگەۋ بارىسىندا پايدا بولعان. تەرگەۋ ماتەريالدارىنا سايكەس، بۇل مامىلەلەردىڭ سالدارىنان مەملەكەتكە 600 ملن تەڭگە كولەمىندە شىعىن كەلگەن. ىسپەن قارجىلىق مونيتورينگ اگەنتتىگى اينالىسىپ جاتىر.
اقپاراتقا قاراعاندا، سارسەمباەۆ 2025 جىلعى 12 جەلتوقساندا قازاقستاننان كەتىپ، ءباا-گە ۇشىپ كەتۋدى جوسپارلاعان، الايدا ول ۇستالدى.
قازىرگى ۋاقىتتا ادىلبەك سارسەمباەۆقا قاتىستى بۇلتارتپاۋ شاراسىن تاڭداۋ ماسەلەسى قاراستىرىلۋدا. ەگەر ونىڭ كىناسى دالەلدەنسە، ول 7 جىلعا دەيىن باس بوستاندىعىنان ايىرىلۋى مۇمكىن.
ازىرگە ادىلبەك سارسەمباەۆقا قاتىستى رەسمي ورگاندار ناقتى مالىمدەمە جاساعان جوق.
