اعىمداعى جىلى قازاقستان جۇكتى ايەلدەرگە مامانداندىرىلعان كومەكتىڭ قولجەتىمدىلىگىن كەڭەيتتى جانە تۋا بىتكەن دامۋ كەمىستىكتەرىن ەرتە انىقتاۋ جۇيەسىن كۇشەيتتى. 18 پەريناتالدىق ورتالىقتىڭ بازاسىندا ء«بىر كۇندىك كلينيكالار» جۇمىس ىستەيدى، وندا 100 مىڭعا جۋىق جۇكتى ايەل ءبىر رەتتىك كەلۋ شەڭبەرىندە زەرتتەپ-قاراۋلاردى قوسا العاندا، 500 مىڭنان استام قىزمەت الدى.
باعدارلامانى ىسكە اسىرۋ ۇرىقتىڭ تۋا بىتكەن كەمىستىكتەرىن انىقتاۋدىڭ 13%-عا وسۋىنە، پرەناتالدىق سكرينينگتەرمەن قامتۋدىڭ 8%-عا ۇلعايۋىنا، دامۋ كەمىستىكتەرىنەن نارەستە ءولىمىنىڭ 15%-عا جانە دامۋ كەمىستىكتەرىنەن باستاپقى مۇگەدەكتىكتىڭ 7,5%-عا تومەندەۋىنە اكەلدى.
جوعارى تەحنولوگيالىق كومەك دامۋدا: فەتالدىق حيرۋرگيا ەنگىزىلدى. 2025 جىلى 92 جاتىرىشىلىك وپەراتسيا جاسالدى، 105 بولاشاق نارەستەنىڭ ءومىرى ساقتالدى. كوپ ۇرىقتى 79 جۇكتى ايەل ءساتتى بوساندى.
ۋاقتىلى مامانداندىرىلعان كومەكتى قامتاماسىز ەتۋ ءۇشىن 22 وبلىستىق پەريناتالدىق ورتالىقتا ۇرىقتى قورعاۋ ورتالىقتارى قۇرىلدى.
2025 جىلدىڭ 9 ايىنىڭ قورىتىندىسى بويىنشا نارەستە ءولىمى تاريحي ەڭ تومەنگى دەڭگەيگە جەتتى — 1000 ءتىرى تۋعان نارەستەگە شاققاندا 5,84, بۇل 2024 جىلدىڭ سايكەس كەزەڭىمەن سالىستىرعاندا 19,3%-عا تومەن.
10 ايدا جاڭا تۋعان نارەستەلەردىڭ ءولىمى 1 مىڭ ءتىرى تۋعان نارەستەگە شاققاندا 3,4-تەن 3,1-گە دەيىن تومەندەدى.
