بۇگىن بۇكىل الەمدە حالىقارالىق ادام قۇقىقتارى كۇنى اتاپ وتىلەدى. 1948 جىلعى 10 جەلتوقساندا بۇۇ باس اسسامبلەياسى جالپىعا بىردەي ادام قۇقىقتارى دەكلاراتسياسىن قابىلداعان بولاتىن، دەپ حابارلايدى «ادىرنا» ءتىلشىسى.
بۇل — حالىقارالىق ادام قۇقىقتارىنىڭ تۇڭعىش دۇنيەجۇزىلىك اكتىسى. قۇجاتتا العاش رەت ءاربىر ادامعا قاتىستى نەگىزگى قۇقىقتار مەن بوستاندىقتار 30 باپ تۇرىندە جۇيەلەنىپ كورسەتىلدى. دەكلاراتسيادا ۇلتىنا، تۇراتىن جەرىنە، جىنىسىنا، ەتنيكالىق شىعۋ تەگىنە، تىلىنە، دىنىنە نەمەسە وزگە دە جاعدايىنا قاتىستى قانداي دا ءبىر ايىرماشىلىقسىز بارىمىزدە بار نەگىزگى قۇقىقتار مەن بوستاندىقتاردىڭ كەڭ تىزبەسى بەكىتىلگەن.
قازىرگى تاڭدا دەكلاراتسيا الەم ەلدەرىنىڭ ۇكىمەتتەرى مەن حالىقتارى مويىنداعان ماڭىزدى حالىقارالىق اكت بولىپ وتىر. ول 500-گە جۋىق تىلگە اۋدارىلىپ، گيننەستىڭ رەكوردتار كىتابىندا الەمدەگى ەڭ كوپ اۋدارىلعان قۇجاتتاردىڭ ءبىرى رەتىندە تىركەلدى.
ايتا كەتەيىك، قازاقستان 1992 جىلى ناۋرىزدىڭ 2-ءسى كۇنى بۇۇ-عا مۇشە بولدى، ادام قۇقىقتارىنىڭ جالپىعا بىردەي دەكلاراتسياسىن ورىنداۋ مىندەتىن موينىنا الدى.
