الماتى وبلىسىندا 6 جاستاعى بالانى كولىگىمەن قاعىپ، وقيعا ورنىنان قاشىپ كەتكەن جۇرگىزۋشى ۇستالدى، دەپ حابارلايدى «ادىرنا» ءتىلشىسى.
جول-كولىك وقيعاسى 4 شىلدە كۇنى كوكوزەك اۋىلىندا بولعان. Lexus RX 300 اۆتوكولىگىنىڭ جۇرگىزۋشىسى كەرى قوزعالىپ كەلە جاتىپ، ۆەلوسيپەدپەن كەلە جاتقان بالانى قاعىپ كەتكەن. كەيىن ەر ادام بالاعا كومەك كورسەتۋدىڭ ورنىنا وقيعا بولعان جەردەن بوي تاسالاعان.
وبلىستىق پوليتسيا دەپارتامەنتى جول اپاتىنا بايلانىستى قىلمىستىق ءىستى تىركەپ، تەرگەۋدى باستاعاندارىن
«6 شىلدە كۇنى كولىكتى باسقارعان 42 جاستاعى ەر ادام ۇستالىپ، ۋاقىتشا ۇستاۋ يزولياتورىنا قامالدى»، – دەدى پد ءباسپاسوز قىزمەتى.
پوليتسيانىڭ مالىمەتىنشە، ۇستالعان ازامات بۇعان دەيىن ىشكى ىستەر ورگاندارىندا قىزمەت ەتكەن. الايدا ول جول اپاتى بولعانعا دەيىن تەرىس سەبەپتەرمەن قىزمەتىنەن بوساتىلعان.
ايتا كەتەيىك، زارداپ شەككەن بالا جەدەل تۇردە اۋرۋحاناعا جەتكىزىلدى. دارىگەرلەر ونىڭ جاعدايىن باقىلاۋدا ۇستاپ وتىر.
