اياتوللا حامەنەي يزرايل شابۋىلىنان كەيىن العاش رەت كوپشىلىك الدىنا شىقتى

449
Adyrna.kz Telegram
https://adyrna.kz/storage/uploads/oK21DU5DjpaVr9jIF5t8sMdllMIYQ9LvIvpdGKbi.jpg

يراننىڭ جوعارعى كوشباسشىسى اياتوللا ءالي حامەنەي يزرايل شابۋىلىنان كەيىن العاش رەت كوپشىلىك الدىنا شىقتى، دەپ حابارلايدى "ادىرنا" ۇلتتىق پورتالى.

Report اگەنتتىگىنىڭ مالىمەتىنشە، بۇل وقيعا تۋرالى بەينەرەپورتاجدى IRNA اگەنتتىگى جاريالاعان.

اقپاراتقا سايكەس، اياتوللا حامەنەي تەگەرانداعى رەزيدەنتسياسىندا مۇحاررام ايىنا وراي وتكەن قارالى شاراعا قاتىسقان.

ايتا كەتەيىك، بۇل – 13 ماۋسىمدا باستالعان يزرايل شابۋىلدارىنان كەيىن العاش

رەت تاڭدالعان اۋديتوريا الدىندا كوپشىلىككە كورىنۋى. بۇل جايت ونىڭ كەڭسەسى تاراتقان فوتو مەن ۆيدەولاردان انىق بايقالادى.

بۇعان دەيىن 25 كۇن بويى يراننىڭ جوعارعى باسشىسى حالىققا تەك الدىن الا جازىلعان بەينەۇندەۋلەر ارقىلى عانا جۇگىنگەن بولاتىن. سول ۋاقىت ارالىعىندا ونىڭ قاۋىپسىزدىك ماقساتىندا بۋنكەرگە كوشىرىلگەنى جونىندە دە اقپارات تاراعان.

پىكىرلەر