78 جاسىندا بەلگىلى قازاقستاندىق رەجيسسەر سلامبەك تاۋەكەل دۇنيەدەن ءوتتى، دەپ حابارلايدى "ادىرنا" ۇلتتىق پورتالى.
مادەنيەت مينيسترلىگى تانىمال كينورەجيسسەر، ستسەناريست، قازاقستاننىڭ ەڭبەك سىڭىرگەن قايراتكەرى، «قۇرمەت» جانە «قۇرمەت بەلگىسى» وردەندەرىنىڭ يەگەرى سلامبەك تاۋەكەلدىڭ قايتىس بولۋىنا بايلانىستى وتباسىنا، تۋعان-تۋىستارىنا، جاقىندارىنا جانە ارىپتەستەرىنە تەرەڭ كوڭىل ايتادى.
«سلامبەك تلەۋكابىلۇلى – قازاق كينوونەرىنىڭ دامۋىنا ەلەۋلى ۇلەس قوسقان كورنەكتى تۇلعا. كاسىبي رەجيسسەر، دارىندى ستسەناريست جانە پروديۋسەر رەتىندە تاريحي-كوركەم فيلمدەردىڭ اۆتورى بولىپ، ۇلتتىق رۋحانياتتى قايتا جاڭعىرتۋ مەن نىعايتۋ جولىندا ايانباي ەڭبەك ەتتى. سونىمەن قاتار،
سلامبەك تاۋەكەل 1948 جىلى پاۆلودار وبلىسىندا دۇنيەگە كەلگەن. ول ماسكەۋدەگى بۇكىلرەسەيلىك مەملەكەتتىك كينەماتوگرافيا ينستيتۋتىن (ۆگيك) تامامداعان.
ول ءار جىلدارى «سالەم، ناۋرىز!»، «جوعالعان ولكە»، «كيىز ۇيگە ارناۋ»، ء«اسانالى» اتتى دەرەكتى فيلمدەردى تۇسىرگەن. ال كوركەم فيلمدەرى قاتارىندا «باتىر بايان» (1993), «ماحامبەتتىڭ قىلىشى» (2006), «ماحامبەت» (2008), «ۋادەلى جەر» (2010) سىندى تۋىندىلارى بار.
