Basty bet
Jaŋalyqtar
Pavlodarda bır tonna kömır ūtqan tūrǧyndy auyldastary qyzǧanyp, ūryp tastaǧan

Pavlodarda bır tonna kömır ūtqan tūrǧyndy auyldastary qyzǧanyp, ūryp tastaǧan

12.11.2021

4594

https://adyrna.kz/content/uploads/2021/11/5c5bd3b7-c588-429e-94cf-1dcd305f1379.jpeg

Pavlodar oblysynda mädeniet üiınıŋ qyzmetkerı bır tonna kömır ūtyp alǧan baiqau jeŋımpazyn qyzǧanyşpen ūryp, aiyppūl aldy, - dep habarlaidy “Adyrna” ūlttyq portaly Tengrinews.kz saityna sılteme jasap. 
Auyl mekemesı qyzmetkerlerınıŋ bırı jeŋımpazǧa degen jeke közqarasy men qyzǧanyştan konkurstyŋ qorytyndysymen kelıspegen.

Oqiǧa Qozyketken auylynda bolǧan. Pavlodar oblysynyŋ polisiia departamentınıŋ baspasöz qyzmetınen habarlaǧandai, bır kün būryn mūnda "Auyl äielı künı" ötıp, jergılıktı tūrǧyndar ülgılı auyl tūrǧynyn taŋdady.

Mädeniet üiınde merekelık dastarqan bastalatyn künı ışımdık ışıp,  jeŋımpazben esep aiyrysuǧa bel buǧan.

Osylaişa, ol qūrbysymen bırge jeŋımpazdy ızdeuge attanǧan. Böten adamnyŋ üiıne basa-köktep kırgen äiel qyzǧanyştan jeŋımpazdy ūryp-soǧyp, aiqailap, üide ūiyqtap jatqan kışkentai balalardy oiatqan.

Päter iesı ony sabyrǧa şaqyra bastaǧan, alaida ol kerısınşe, odan saiyn jeŋımpazben qosa päter iesın de ūra bastaǧan.
Būl oqiǧadan keiın zardap şekken äielder bırden polisiiaǧa jügınbegen, öitkenı qoryqqan. Alaida keiın polisiiaǧa aryz berdı. Medisinalyq saraptama olardyŋ soqqyǧa jyǧylǧanyn jäne gematomalar bar ekenın anyqtady.
Uspen audandyq soty Qozyketken auyly mädeniet üiınıŋ qyzmetkerın ÄQBtK-nıŋ 73-1-babynyŋ 1-bölıgı "densaulyqqa qasaqana jeŋıl ziian keltıru" boiynşa kınälı dep tanyp, äkımşılık tärtıppen 15 ailyq eseptık körsetkışke aiyppūl saldy. Sot qūjatynda sot auyrlatatyn män-jailardyŋ joqtyǧyn eskerıp, aiyppūl somasyn otyz paiyzǧa, 30 628 teŋgege deiın qysqartqany aitylǧan.

"Qazır qyzmetkerdı tärtıptık jauapkerşılıkke tartu mäselesı şeşılıp jatyr. Būl baiqau audandyq mädeniet bölımınıŋ ıs-şaralar josparyna kırmeidı, ädısker ony jeke bastamasy boiynşa ötkızdı", - dep tüsındırdı Uspen audany äkımınıŋ orynbasary Säule Jünıspaeva.

“Adyrna” ūlttyq portaly