Otandyq tanymal prodıýser Tımýr Balymbetov alǵash ret áke atandy. Jas jubaılardyń kópten kútken sábıi dúnıege keldi, dep habarlaıdy "Adyrna" ulttyq portaly.
Bul qýanyshty jańalyǵymen Tımýr Balymbetovtyń óz Instagram paraqshasynda bólisti.
- Búgin Balymbetov Isa Tımýruly dúnıege keldi. Biz ony armandadyq, duǵa tilep, uzaq kúttik. Jaratýshyǵa myń alǵys. Isa men Laýranyń jaǵdaıy jaqsy. Olar qazir demalyp jatyr. Bizge qoldaý bildirip, biz úshin duǵa jasaǵan barshańyzǵa rahmet. Laýra seni maqtan tutamyn. Saǵan degen mahabbatym sheksiz. Dostar, men endi ákemin!", - dep jazdy prodıýser.
Aıta keteıik, erli-zaıyptyny barsha jeli qoldanýshylary quttyqtap, aq tilekterin jaýdyryp jatyr. Olardyń qatarynda Balymbetovtyń dostary aktrısa Almıra Tursyn, ánshi Lıdo, Danııar Álshinov, Qarlyǵash Muhamedjanova, Gýlnár Silbaeva, Indıra Edilbaeva, Erke Esmahan jáne taǵy basqalary bar.
"Adyrna" ulttyq portaly
