Dáriger qatań ári qajytatyn dıetalardy saqtamaı, aryqtaýǵa kómektesetin jeti keńespen bólisti, dep habarlaıdy "Adyrna" ulttyq portaly
Dıetolog Melıssa Meıerdiń aıtýynsha, bul jaǵdaıda eń bastysy — qysqa merzimdi detoks dıetalaryn ustanbastan, durys tamaqtaný ádetin qalyptastyrý. Ádette, olar taǵamdardyń barlyq sanattaryn tutynýdy shektese de, aqyr sońynda olar tek tamaqtanýdaǵy teńgerimsizdikke ákeledi. Porııa mólsherin qadaǵalaý mańyzdy.
Meıer eshqandaı ónimderden tolyq bas tartpaýǵa keńes berdi. Onyń aıtýynsha, siz porııanyń mólsherine muqııat bolýyńyz kerek.
- Nan nemese makaron sııaqty ózińiz jaqsy kóretin taǵamsyz júrýdiń qajeti joq. Biraq olardan aqylǵa qonymdy mólsherde lázzat alǵan durys - deıdi ol.
Sondaı-aq, dıeotolog kókónisterdi kóbirek jep, dándi daqyldarǵa artyqshylyq berýdi usynady. Onyń pikirinshe, ár tamaq quramynda aqýyz kóbirek bolýy kerek.
- Jumyrtqa, burshaq daqyldary, et, teńiz ónimderi, sút ónimderi — bul taǵamdardyń barlyǵynda ashtyqty jeńýge kómektesetin aqýyz bar — dep túsindiredi ol.
Sonymen qatar Meıer densaýlyqty nyǵaıtý úshin talshyqtardy umytpaýǵa, únemi jattyǵýlar jasaýǵa, shyryndardy, gazırovka, alkogol jáne basqa da joǵary kalorııaly sýsyndardy sýmen almastyrýǵa keńes beredi. Taǵy bir keńes - sanaly túrde tamaqtaný, ıaǵnı ashtyq sezimi paıda bolǵan jaǵdaıda ǵana tamaqtaný kerek eken.
"Adyrna" ulttyq portaly
