Sońǵy jyldary eriktiler qatary kóbeıip, volenterlik qyzmet jandanyp kele jatyr. Qazaqstannyń ár aımaq, oblysynda volonterler klýby bar. “Adyrna” ulttyq portalynyń kezekti suhbaty Nazarbaeva ýnıversıtetiniń magıstratýra túlegi, Atyraý oblysy Qurmanǵazy aýdanynyń týmasy eriktiler qataryna óz erkimen qosylyp, ıgi ister atqaryp júrgen Djýmagalıeva Aıdana hanymmen boldy.
-Eń aldymen ózińiz týraly baıandap ótseńiz?
-Men Djýmagalıeva Aıdana, Atyraý oblysy Qurmanǵazyaýdanynyń týmasymyn. Mamandyǵym – eki shetel tiliniń muǵalimi. Jýyrda Nazarbaev ýnıversıtetinde «Kóptildikbilim berý» baǵdarlamasy boıynsha magıstratýra aıaqtadym.
Belsendi ómir saltyn ustanamyn, qoǵamdyq uıymdardyń múshesi bolyp, kópshilikpen jumys jasaǵandy unatamyn.
-Sizdiń esimińizdi “Biz birgemiz” volonter komandasynyń tiziminen kórgem. Volonterlik qyzmetke qalaı keldińiz?
-Meniń volonterlik týraly jalpy túsinigim, oǵan degen qyzyǵýshylyǵym birte-birte damydy.
Alǵashqy volonterlik qyzmetim sonaý 2014 j. bastalǵan edi. Sol jyly Qazaqstan men Reseı óńiraralyq yntymaqtastyǵynyń XI forýmy ótken bolatyn.
Forýmǵa Atyraý qalasy boıynsha oqý oryndarynyń stýdentterin eriktiler (volonterler) retinde qatysýǵa aqyrdy. “Atyraý Volonterler Korpýsy” qurylyp, úlken komandaǵa aınaldyq.
Ol jerdegi qyzmetimiz kóbinese bizge júktelgen is-sharalar aıasynda bolǵan edi: forýmdar, jıyn-kezdesýlerde kómekshiler retinde qyzmet atqardyq.
Osy topta 2 jyldaı múshe bolyp, keıin kópshilik stýdentterdiń oqýy aıaqtalyp, jumysqa ornalasyp, jańa eriktiler legi keldi.
Al “BizBirgemiz” volonterlar tobyna 2018 jyly óz erkimmen qosyldym. Olardyń qyrkúıek aıynda uıymdastyrǵan ústel tennısi boıynsha qaıyrymdylyq týrnırine qatysýshy retinde baryp, keıin komanda múshesine aınaldym.
Maǵan unaǵany – bul volonterler top retinde óz erikterimen jospar quryp, sharalaryn uıymdastyrady.
Basty jumys baǵyty – jaǵdaıy nashar otbasylarǵa áleýmettik kómek kórsetý. Kúni búginge deıin top músheleriniń sany artýda.
Keıde bizdiń topty Respýblıkalyq «Biz birgemiz» jobasymen shatystyrady.
Alaıda, biz olarǵa jatpaımyz, jeke volonterlik top bolyp tabylamyz.
-Óz erkińizben “erikti volonter” atandyńyz. Bul saýapty joldan ne úırendińiz?
-Jalpy volonterlik qyzmettiń bereri men úıreteri kóp.
Birinshiden, top múshesine aınalǵan soń tanystar men dostardyń qatary kóbeıedi.
Ekinshiden, is-shara ótkizgen saıyn adamdarmen qarym-qatynas jasaý, kelisóz júrgizý jáne uıymdastyrý sekildi daǵdylar damıdy. Sonyń nátıjesinde úlken ómirlik tájirıbe jınalady.
Úshinshiden, bizdiń toptyń negizgi jumys atqaratyn baǵyty – áleýsettik kómek. Osy jolda jaǵdaıy aýyr otbasylarmen, qıyn jaǵdaıǵa tap bolǵan jandarmen kezdesetin jaǵdaılar bolady.
Osy jolda «emoıonaldy ıntellekttiń» róli zor, sebebi biz tek óz emoııamyzdy tanyp-bilip qana qoımaı, basqalardyń sezimderine, jaǵdaıyna ortaqtasyp, mán berýimiz kerek.
Eń mańyzdysy, jalpy volonterlerdi «eriktiler» dep ataǵan soń, óz erkińmen qoǵamda belgili-bir úlesińdi qosyp, jaqsylyq jasaıtyn qabiletińniń bolǵanyna rızashylyq paıda bolady.
-Pandemııa kezinde volonterlardyń qyzmeti on esege kóbeıdi. Qandaı qıynshylyqtar kezdesti? Aýrý órshigen ýaqytta óz densaýlyqtaryńyzǵa zııan keldi me?
-Árıne, pandemııa kezinde eriktilerden kóp kómek kútildi. Osy kezeńde jaǵdaı qıyn bolǵandyqtan, múmkindikter de shekteýli boldy. Biz kóbinese sharalar uıymdastyryp, sodan jınalǵan qarajat arqyly kómek beretin edik.
Alaıda, kópshilik qatysatyn jıyndar jasaýǵa tıym salynǵandyqtan, bizdiń jumysymyz báseńdep qaldy.
Sondyqtan, kómek berýdiń jańa joldaryn tabýǵa tyrystyq.
Mysaly, kómek bere alatyn jandar men kómekke muqtaj jandar arasyndaǵy kópir bolýǵa tyrystyq, materıaldyq nemese zattaı kómek.
-Atyraý oblysynda ózińiz sekildi erikti jastar kóp pe? Jáne eriktilerdiń kómegine zárý adam qatary she?
-Meniń aınalamda volonter dostarym kóp.
Kópshiligi áleýmettik kómek baǵytymen aınalysady.
Volonterlik tájirıbemnen aıtarym, kez-kelgen óńirde kómekke zárý jandar árdaıym bolady.
-Jastardy volonterlikke tárbıeleý úshin ne isteý kerek?
Qazirgi tańda eń kúshti qural – áleýmettik jeliler / ınternet bolyp tabylady.
Jastardyń nazary sonda bolǵandyqtan, nege sol resýrsty paıdalanbasqa?!
-Volonter bolý úshin “jumsaq júrek, meıirimdi kóńil” qajet pe?
Meniń oıymsha volonter - jaqsylyq jasaýǵa, qol ushyn sozýǵa daıyn turatyn jan. Ol óz erkimen ýaqytyn bólip, basqalarǵa kómegin bergisi keledi.
Alaıda, “jumsaq júrek, meıirimdi kóńil” eń basty krıterıı emes dep oılaımyn. Kez kelgen adam volonter bola alady.
Volonter ol tek qoǵamǵa, muqtaj jandarǵa kómek berý emes, sonymen qatar týǵan-týystaryńa qamqor bolý, jyly sóz aıtý, qoldaý arqyly da kórine alady dep oılaımyn.
Sondyqtan, resmı ataýynan bólek árqaısysymyz jasqa, jynysqa, ultqa, múmkindikke qaramastan volonter bola alamyz.
Suhbattasqanyńyzǵa raqmet!
Injý ÓMIRZAQ,
”Adyrna” ulttyq portaly
