Ötken jyly oblys tūrǧyndarynyŋ 59%-ıne, iaǧni 1,2 mln. adamnyŋ gazǧa qosyluyna mümkındık tudy. Biylǧy jyly taǧy 23 eldı mekende osyndai jaǧdai jasalyp, körsetkış 61%-ke jetedı. Būl turaly bügın Nūr-Sūltan qalasyndaǧy Ortalyq kommunikasiialar qyzmetı alaŋynda ötken brifing kezınde Almaty oblysynyŋ äkımı Amandyq Batalov aitty, - dep habarlaidy Jetisy Media.
Öŋır basşysynyŋ aituynşa, äzırge kögıldır otyn jetkızılmegen bes audan qaldy:
«Osy audandardy gazdandyru üşın «Taldyqorǧan - Üşaral», «Şelek-Kegen» magistraldy gaz qūbyry qūrylysynyŋ jobalyq-smetalyq qūjattamasyn aiaqtaimyz. Qūrylys jūmystary kelesı jyldan bastalady», - dedı A. Batalov.Sol siiaqty spiker ortalyqtandyrylǧan auyz sumen qamtu deŋgeiı respublika boiynşa aldyŋǧy qatarda ekenın tılge tiek ettı, iaǧni 98,3%, būl 678 eldı meken qamtyldy degen söz. Biylǧy jyly 7 auylǧa su qūbyryn jürgızu esebınen būl körsetkış 99,5% jetkızıledı, sol siiaqty 11 auylda auyz su sapasy jaqsartylady. Baiandamaşynyŋ sözıne süiensek, jyldan jylǧa jol sapasy da jaqsaryp keledı, qazırgı kezde jaqsy jäne qanaǧattarlyq jaǧdaidaǧy jergılıktı maŋyzdaǧy joldardyŋ ülesı - 84%. Biylǧy jyly 385 eldı mekende oblystyq maŋyzdaǧy jäne auylışılık 332 km jol jöndeledı, oǧan 33 mlrd. teŋge bölındı.
Ūqsas jaŋalyqtar
