Bıyl halqymyzdyń birtýar perzenti, qazaq jazba ádebıetiniń negizin qalaýshy, danyshpan, ǵulama-oıshyl, uly aqynymyz Abaı Quananbaıulynyń 175 jyldyq mereıtoıy.
Uly oıshyldyń ǵıbratty ómiri men shynaıy shyǵarmashylyǵyn ult bolyp birlesip, el bolyp damýymyzǵa jol ashatyn qundylyqqa aınaldyrýymyz qajet. Atamyzdyń "Qara sózderi", oı-tujyrymdary áli kúnge ózektiligin joıǵan emes. Onda ult bolmysy, turmys tirshiligi, dúnıetanymy, minezi, jany, dini, dili, tili, rýhy kórinis tabatyny barshamyzǵa málim.
Jalpy ómirdiń qaı salasynda da Abaıdyń aqylyn alsań, aıtqanyn isteseń, el retinde eńselenemiz, memleket retinde muratqa jetemiz.
Abaıdyń sózi men oıy bizdiń kúnbe-kúngi tirligimizge órkendi ómirimizge kirpish bolyp qalanyp, búgingi órkenıet pen aldaǵy bolashaq talabyna laıyq umtylmas tarıh sheńberi bolyp qalatyny sózsiz.
Bul kúnde Abaı sózi ár qazaqtyń aǵzasyna ana sútimen birge darıdy desek artyq aıtylǵandyq emes. Ana súti tán qoregi retinde jas sábıdiń býyny bekip, buǵanasy qataıýyna qyzmet etse, aqyn sózi onyń sanasyna adamdyq pen azamattyqtyń uryǵyn seýip qyzmet etedi. Atamyzdyń óleńderin oqysań bıigi joǵary aqyn bolǵanyn túsinesiń. Tilge aýyr, arǵy jaǵynda oı salarlyq zili bar óleńder. Sol úshin de qazaqtyń mańdaıyna bitken Uly tulǵa der edim.
Nurdári Hývlaıhan
