Jitomirlık jıgıt - Maliuk! Būl surettegı - Ukraina Qauıpsızdık qyzmetınıń bastyǧy Vasilii Maliuk deitın myqty. Şenı - general-leitenant. Jasy 42-de. Keşegı Resei aviasiiasyn aiausyz tepkılegen "Tor" deitın operasiiaǧa tıkelei jauapty adam. Jaudyń bombalauşy ūşaqtaryn talqandauǧa tapsyrmany prezident Zelenskiidıń özı bergen. Al operasiiany Maliuk basqarǧan.
Sol Maliuk bügın büidedı:
- Keşegı Reseige qarsy operasiiasynyń qorytyndysy boiynşa, Reseidıń 41 ūşaǧy ısten şyqty. Olardyń ışınde — A-50, Tu-95, Tu-22 M3 jäne Tu-160 strategiialyq ūşaqtary bar. Sättı soqqylar Reseidıń «Belaia», «Diagilevo», «Olenia» jäne «İvanovo» aerodromdaryna jasaldy. Būlar Reseidıń tylyndaǧy negızgı bazalar. Ondaǧy qanatty zymyrandardy alyp ūşatyn strategiialyq ūşaqtardyń 34%-y talqandaldy. Keltırılgen şyǧyn kölemı boljaldy türde 7 mlrd dollardy qūraidy. Arnaiy operasiia 1,5 jyl boiy äzırlendı, - dedı.
Maliuktıń ömırderegın şolyp otyrsaq: Būl jıgıt 2014 jyldary (Resei basqynşylyǧy bastalǧan jyldar) Donbass üşın şaiqastarǧa qatysqan eken.
2022 jyldyń qazany esterıńızde bolar. 8 qazanda, Putin 70-ke tolǧan künnıń ertesınde Qyrym köpırınde jarylys boldy. Ol joly da köpır üstınde JARYLǦYŞ ZAT TİELGEN JÜK KÖLIGI JARYLDY.
Ol Resei basqynşylyq jyldary milliardtap aqşa qūiyp, Putinnıń özı kelıp aşqan Kremldıń "mega jobasyna" jasalǧan auqymdy soqqylardyń bırı bolǧan.
2023 jyly däl osy Maliuk: "2022 jyldyń qazanyndaǧy Qyrym köpırıne soqqyny jeke men daiyndadym", - dep mälımdegen.
Reseilık äskeri korrespondent Tatarskiige, ukrainalyq satqyn deputat Kivaǧa, reseilık jazuşysymaq Prilipinge jasalǧan qastandyqtarǧa da däl osy Maliuktıń tıkelei qatysy bar. Ony Maliuktıń özı de aşyq aitqan.
Mıne, būl Maliuk - sondai Maliuk!
