Amerika Qūrama Ştattarynyŋ qazırgı prezidentı Donald Tramp josparly medisinalyq tekseru aiasynda kognitivtı testıleuden öttı, dep habarlaidy "Adyrna" ūlttyq portaly DW-ge sılteme jasap.
78 jastaǧy saiasatker osy qadam arqyly būrynǧy prezident Djo Baidennen özgeşe äreket etudı şeşkenın aitty. Baiden kezınde mūndai testıleuden ötuden bas tartqan edı.
– Men barlyq sūraqtarǧa dūrys jauap bergenımnen basqa ne aitarymdy bılmeimın, – dedı Tramp 11 säuır künı keşke jurnalisterge. Alaida ol testtıŋ türı men naqty nätijelerı turaly egjei-tegjeilı mälımet bergen joq.
Donald Tramp būǧan deiın de bırneşe ret kognitivtı test tapsyrǧanyn jäne barlyq sūraqtarǧa dūrys jauap bergenın aityp keledı. Onyŋ aituynşa, būl testter onyŋ aqyl-oiynyŋ qalypty ekenın däleldeitın qūral.
Prezident özınıŋ jalpy densaulyq jaǧdaiy turaly da pıkır bıldırdı.
– Jalpy, men özımdı öte jaqsy formada sezındım. Jüregım tynyş, janym jomart, – dedı ol.
Kognitivtı test nätijesı 13 säuırde jariialanady.
Aita keteiık, AQŞ-ta prezidentterdıŋ densaulyǧyna qatysty aqparatty aşyq jariialau – zaŋmen mındettelmegenımen, jyldar boiy qalyptasqan dästürlı täjıribe. Donald Tramp alǧaşqy prezidenttık merzımı kezınde (2017–2021) öz aqyl-oi qabıletı men el basqaru jaramdylyǧyna qatysty aitylǧan kümänderden keiın 2018 jyly kognitivtı testten ötken. Ol kezde Tramp 30 sūraqtyŋ barlyǧyna dūrys jauap berıp, eŋ joǧary körsetkışke ie bolǧanyn maqtan tūtqan edı.
