Qytai jaldamalylary jäne ofiserlerı bölek. Ukrainada 200-ge juyq qytailyq soǧysyp jatyr

Ukrainaǧa qarsy soǧysta Resei tarapynda jüzden astam qytailyq jaldamaly äsker soǧysyp jür, dep habarlaidy "Adyrna" ūlttyq portaly Reuters agenttıgıne sılteme jasap. Būl turaly jūma künı AQŞ-tyŋ barlau mälımetterımen tanys ekı şeneunık jäne Batys elderınıŋ bırınıŋ būrynǧy barlauşysy mälımdegen. Reuters mälımetınşe, būl jaldamalylardyŋ Qytai Halyq Respublikasynyŋ ükımetımen tıkelei bailanysy joq. Amerikalyq şeneunıkterdıŋ aituynşa, būl qytailyq jauyngerlerdıŋ daiyndyǧy tömen, ärı olar Reseidıŋ äskeri operasiialaryna eleulı äser etıp otyrǧan joq. Batys barlau qyzmetınıŋ būrynǧy qyzmetkerı jaldamalylardyŋ naqty sany şamamen 200-ge juyq ekenın atap öttı. Sonymen qatar, agenttıktıŋ deregıne qaraǧanda, Reseidıŋ maidan şebınen tys aimaqtarynda Qytai ofiserlerı soǧys barysynan taktikalyq sabaq alyp jatyr. Reuters derekközınıŋ aituynşa, būl ofiserlerdıŋ sol jerde boluy – Beijıŋnıŋ kelısımımen jüzege asqan. "Olar būl jerde kelısımmen jürgenı – sözsız", – dep mälımdegen aqparat beruşı.