Qazaqstannyń alǵashqy bitimgerlik kontıngenti Birikken Ulttar Uıymynyń (BUU) mıssııasy aıasynda Sırııanyń Golan jotalarynda bir jyldyq qyzmetin aıaqtap, elge oraldy. Bul mıssııa Qazaqstannyń derbes bitimgerlik operaııasy retinde tarıhta alǵash ret júzege asty, dep habarlaıdy “Adyrna” ulttyq portaly.
2024 jyldyń naýryz aıynda Golan jotalaryna attanǵan 139 qazaqstandyq áskerı qyzmetshi, onyń ishinde 4 áıel, óz tehnıkasy men qarý-jaraǵymen birge ornalastyryldy. Bir jyl ishinde olar 557 tapsyrma oryndady, onyń ishinde 458 mobıldi patrýldeý, 66 áskerı personal men gýmanıtarlyq júkterdi tasymaldaý, 15 jarylǵysh zattardy zalalsyzdandyrý jáne 3 ret baqylaý beketteriniń kúzetin kúsheıtý jumystary bar .
Mıssııa barysynda qazaqstandyq bitimgerler Izraıl men Sırııa arasyndaǵy atysty toqtatý týraly kelisimniń saqtalýyn qadaǵalap, jaýapkershilik aımaǵyndaǵy bitimgerlik bazalardan áskerı personaldy evakýaııalaý, baqylaýdaǵy aýmaqty mobıldi patrýldeý, jarylmaǵan oq-dárilerdi joıý men basqa da jarylǵysh zattardan tazartý, BUU-nyń personaly men joǵary laýazymdy tulǵalaryn jaýapkershilik aımaǵynda jáne BUU-nyń onyń shekteýli aýmaqtarynda alyp júrý jumystaryn atqardy.
Qazaqstandyq bitimgerlerdiń Sırııadaǵy shıelenisken jaǵdaıda ózderiniń alǵashqy derbes mıssııasyn oryndaǵany erekshe mańyzdy. Jaýapkershilik aımaǵynda shıelenis artqan kezde Qazaqstan kontıngenti kóterilisshilerdiń ony basyp alýyna jol bermeı, bazany berik ustaýda sheshýshi ról atqardy.
Qorǵanys mınıstri Rýslan Jaqsylyqov bitimgerlerdiń eńbegin joǵary baǵalap, olardyń qyzmeti Qazaqstannyń halyqaralyq arenadaǵy bedelin nyǵaıtýǵa úles qosqanyn atap ótti. BUU basshylyǵy da qazaqstandyq bitimgerlerdiń kásibı biliktiligi men tabandylyǵyn joǵary baǵalady.
Qazaqstannyń bitimgerlik mıssııasy jalǵasýda. 2025 jyldyń sáýir aıynda ekinshi kontıngent Golan jotalaryna attandy.
