AQSh-tyń Ýkraınadaǵy soǵysty toqtatýǵa qatysty naqty, resmı josparynyń bolmaýy eýropalyq saıasatkerlerdiń alańdaýshylyǵyn týdyryp otyr, dep habarlaıdy “Adyrna” ulttyq portaly Reuters agenttigine siltep.
Agenttik málimetinshe, Tramp ákimshiliginiń ókilderimen kezdeskennen keıin eýropalyq saıasatkerler AQSh-tyń bul máselede naqty strategııasy joq degen qorytyndyǵa kelgen. Olar Aq úıden bir-birine qaıshy málimdemeler estip otyrǵanyn, bul ortaq jospardyń joqtyǵyn kórsetetinin atap ótti.
Ýkraına prezıdenti Vladımır Zelenskıı de Tramp ákimshiliginiń resmı josparynyń joqtyǵyn rastady. Ol qazirgi ýaqytta tek beıresmı usynystar men jarııalanymdar bar ekenin, biraq resmı kelissózder men naqty nátıjelerdiń áli de kútilip otyrǵanyn málimdedi .
AQSh-tyń ulttyq qaýipsizdik jónindegi keńesshisi Maıkl Ýolt NBC telearnasyna bergen suhbatynda, jaqynda AQSh-tyń joǵary laýazymdy ókilderi Eýropaǵa baryp, Ýkraınadaǵy qaqtyǵysty retteý boıynsha kelissózder ótkizetinin málimdedi. Degenmen, naqty josparlar men kelisimder týraly aqparat áli jarııalanǵan joq .
Eýropa elderi de óz tarapynan túrli usynystar men bastamalardy qarastyrýda. Mysaly, Franııa men Polsha Ýkraınaǵa 40 myń jasaqtan turatyn bitimgerlik kúshterin engizýdi oılastyrýda. Bul bastamaǵa Máskeý úzildi-kesildi qarsylyq tanytyp otyr.
