Ońtústik Koreıanyń Kvanmıon qalasynda (Seýldiń ońtústiginde) salynyp jatqan metro qurylys alańynda jer opyrylyp, birneshe ǵımarat pen jol bóligine zaqym keldi, dep habarlaıdy "Adyrna" ulttyq portaly Yonhap News agenttigine silteme jasap.
Apat juma kúni, saǵat 15:13-te oryn alǵan. Bastapqyda bes jumysshy baılanyssyz qalǵan, olardyń úsheýi aman tabylyp, taǵy bireýi — 20 jastaǵy ekskavator júrgizýshisi — apattan 13 saǵat ótken soń, 30 metr tereńdikten qutqaryldy.
Bir jumysshy áli kúnge deıin izdestirilýde. Ol shamamen 50 jasta. Izdeý jumystaryna jeti arnaıy úıretilgen ıt pen arnaıy qural-jabdyqtar tartylǵan.
Polıııa men qutqarýshylar ázirge iz-túzsiz ketken adamnyń naqty ornyn, tipti mobıldi qurylǵysy arqyly da, anyqtaı almaı otyr. Sınoptıkter jaýyn-shashyn bolatynyn eskertip, izdestirý-qutqarý jumystaryn jedeldetý qajettigin aıtty.
Oqıǵadan keıin shamamen 2 400 turǵyn evakýaııalanǵan. Alaıda qaýipsizdik tekserýlerinen keıin, tún ortasynan keıin evakýaııa sheshimi keri qaıtarylyp, 220 adam úılerine oraldy.
