Almatyda Saǵadat Nurmaǵambetov atyndaǵy Qurlyq áskerleriniń áskerı ınstıtýtynda «Birikken Ulttar Uıymynyń bólinýdi baqylaý jónindegi kúshteri» mıssııasy quramynda qyzmet etý úshin Golan jotalaryna ekinshi ulttyq bitimgerlik kontıngentti saltanatty túrde shyǵaryp salý rásimi ótti. Bul týraly Qorǵanys mınıstrliginiń baspasóz qyzmeti málimdedi, dep habarlaıdy “Adyrna”.
Aqparatqa sáıkes, rásimge Qorǵanys mınıstrligi Bitimgerlik operaııalar ortalyǵynyń qolbasshylyǵy, qyzmettester, Qarýly kúshterdiń ardagerleri, áskerı joǵary oqý ornynyń kýrsanttary, «Jas sarbaz» áskerı-patrıottyq qozǵalysynyń tárbıelenýshileri, sondaı-aq áskerı qyzmetshilerdiń týystary men jaqyndary qatysty.
Qorǵanys mınıstriniń tárbıe jáne ıdeologııalyq jumys jónindegi orynbasary general-maıor Shaıh-Hasan Jazyqbaev bitimgerlerge aqjol tiledi. Ol Qazaqstannyń halyqaralyq qaýipsizdikti qoldaý isine qatysýynyń mańyzdylyǵyn atap ótti.
«Bitimgerlik kontıngentti Golan jotalaryna óz betinshe óristetý — Qazaqstan Respýblıkasynyń jáne onyń Qarýly kúshteriniń álemdik arenadaǵy bedeliniń dáleli. Halyqaralyq standarttar boıynsha daıyndalǵan jáne jaraqtandyrylǵan bizdiń kontıngent BUU mıssııasynyń mandaty sheńberinde júktelgen mindetterdi oryndaýǵa daıyn”, — dep atap ótti ol.
Budan soń ekinshi bitimgerlik kontıngentiniń komandıri podpolkovnık Jánibek Nurlanov bastaǵan áskerıler plata saltanatty sappen júrip ótti. Osy sátten Qarýly kúshterdiń 139 áskerı qyzmetshisi alǵashqy kontıngentti aýystyrý úshin Damaskige jol tartyp ketti.
“Bitimgerlik kontıngenttiń barlyq áskerı qyzmetshileri erikti negizde qabyldandy. Olardyń arasynda eki áıel bar. Irikteý jan-jaqty daıyndyq nátıjeleri boıynsha júrgizildi. Kandıdattardyń kásibı jáne moraldyq qasıetteri eskerildi. Bizdiń kontıngent BUU mandaty sheńberinde qoıylǵan barlyq mindetti oryndaýǵa daıyn ekenine senimdimiz”, — dep atap ótti Qorǵanys mınıstrligi Bitimgerlik operaııalar ortalyǵynyń bastyǵy podpolkovnık Ýálıhan Báıkenov.
Aıta ketsek, Qazaqstandyq bitimgerler atysty toqtatý rejımin qamtamasyz etý, patrýldeý, blokpostardy kúzetý, jarylys qaýpi bar zattardy joıý, sondaı-aq BUU personaldaryn alyp júrý men evakýaııalaý jónindegi mindetterdi oryndaıtyn bolady. Golan jotalarynda qyzmet etken kezde kontıngenttiń alǵashqy quramy qoıylǵan barlyq mindetti oıdaǵydaı oryndap, BUU mıssııasy men Hatshylyǵynyń basshylyǵynan joǵary baǵa alǵanyn aıta ketý kerek.
