AQSh-ta Nıý-Iorktiń qarsy betindegi Djersı-Sıtı jaǵalaýynda ornalasqan Gýdzon ózenine tikushaq qulady. Apat saldarynan bir adam kóz jumdy. Taǵy eki adam sýdan shyǵaryldy, olardyń jaǵdaıy qalaı ekeni ázirge naqtylanǵan joq, dep habarlaıdy “Adyrna”.
Jergilikti bıliktiń habarlaýynsha, qaıǵyly oqıǵa beısenbi kúni, jergilikti ýaqytpen saǵat 15:15 shamasynda, qala pırsiniń mańynda bolǵan. Oqıǵa ornyna qutqarý qyzmetteri dereý tartyldy. Izdestirý-qutqarý operaııasyna birneshe keme men áýeden baqylaý júrgizip jatqan polıııa tikushaǵy jumyldyrylǵan.
Áýe kóliginiń qulaýyna ne sebep bolǵany belgisiz. Nıý-Iork polıııasy eki adamnyń sýdan tirideı shyǵarylǵanyn rastady, alaıda materıal jarııalanǵan sátte olardyń naqty jaǵdaıyna qatysty resmı aqparat berilgen joq.
Oqıǵa orny qorshaýǵa alynyp, apat bolǵan mańda kólik qozǵalysy ýaqytsha shekteldi.
Eske salaıyq, bıyl qańtarda AQSh-ta American Airlines áýe kompanııasynyń jolaýshylar ushaǵy áskerı tikushaqpen soqtyǵysyp, Vashıngtondaǵy Potomak ózenine qulap túsken bolatyn. Ushaq bortynda 64 adam bolǵan, olardyń qatarynda Reseıden kelgen mánerlep syrǵanaýshylar da boldy.
