Eýropalyq Odaq AQSh-tan ákelinetin taýarlarǵa qatysty josparlanǵan jaýaptyq baj salyǵyn 90 kúnge shegerdi. Bul sheshim Vashıngtonnyń óz baj salyǵyn ýaqytsha toqtatýyna baılanysty qabyldandy, dep habarlaıdy "Adyrna" ulttyq portaly DW-ǵa siltep.
Bul týraly 10 sáýir kúni Eýrokomıssııa tóraǵasy Ýrsýla fon der Lıaıen málimdedi.
"Biz prezıdent Tramptyń málimdemesin nazarǵa aldyq. Kelissózderge múmkindik bergimiz keledi. Qatysýshy memleketterdiń qoldaýyna ıe bolǵan EO-nyń qarsy sharalaryn qabyldaý proesi aıaqtalýǵa jaqyn. Alaıda biz olardy 90 kúnge keıinge qaldyramyz", – dedi fon der Lıaıen. Sonymen qatar ol kelissózder sátsiz aıaqtalǵan jaǵdaıda EO qarsy sharalardy iske qosatynyn atap ótti.
Buǵan deıin, 7 sáýirde EO-nyń saýda isteri jónindegi komıssary Marosh Shefchovıch Brıýssel 15 sáýirden bastap AQSh-tan keletin keıbir taýarlarǵa alǵashqy qarsy baj salyǵyn engizýdi josparlap otyrǵanyn habarlaǵan bolatyn. Bul tizimge amerıkalyq djınsy, vıskı, jerjańǵaq maıy, motoıklder jáne basqa da taýarlar kirgen.
Aldaǵy ýaqytta bul tizim keńeıip, AQSh-tyń aýyl sharýashylyǵy ónimderi: qus eti, sıyr eti, keıbir teńiz ónimderi, jańǵaqtar, jumyrtqa, sút ónimderi, qant pen kókónister engizilýi múmkin. Sondaı-aq keıbir ónerkásiptik taýarlar, bylǵary buıymdar, turmystyq tehnıka, qural-saımandar, plastmassa jáne aǵash ónimderi de bul tizimge enýi yqtımal.
