Eńbekshiqazaq aýdanynda kúıeýinen zorlyq-zombylyq kórgen ondaǵan áıeldiń isi «aryz jazbady» degen sebeppen jabylyp qalǵan, dep habarlaıdy "Adyrna" ulttyq portaly.
Bul týraly Bala quqyqtary jónindegi ýákil Dınara Zákıeva málimdedi.
Zákıeva aýdanda sońǵy 3 aı ishinde kúıeýinen aýyr soqqy alǵan, ólim aýzynan qalǵan áıelderdiń 61 isi tirkelgenin aıtady. Onyń ishinde 36 áıel aýyr dene jaraqatyn alǵanyna qaramastan, isteri jabylǵan nemese qujattar joıylatyn tizimge jiberilgen.
«Mundaı ister jábirlenýshiniń aryzy bolmasa da qaralýy tıis. Bul – zańda jáne Joǵarǵy sottyń qaýlysynda naqty jazylǵan», – deıdi Zákıeva.
Ýákildiń aıtýynsha, jedel járdem málimetteri arasynda 19 jastaǵy aıaǵy aýyr kelinshektiń basy jarylyp, sýııdke barǵany, 14 jastaǵy qyzdy ákesiniń soqqyǵa jyqqany anyqtalǵan. Atalǵan ister tek ýákildiń aralasýynan keıin ǵana qaıta qozǵalǵan. Dınara Zákıeva aýdan deńgeıindegi áleýmettik qorǵaý, bilim berý jáne polıııa salasynyń ókilderi qabyldanǵan zań normalaryn oryndamaı otyrǵanyn atap ótti. Ol bul jaǵdaıdy dereý sheshýdi talap etip, áıelder men balalardyń quqyǵyn qorǵaýǵa shaqyrdy.
